اردبیلده اسماعیل بیگ و دیگر محله لرین غملی حکایه لری/رحیم غلامی
اسماعیل بیگ بو گون اردبیلده بیر محله آ دی سانیلسادا، آنجاق تاریخی باخیمدان چوخ آجی اولای آشاماسین اوزوییله داشییر. گرچکدن یالنیز اسماییل بیگ محله سی یوخ، بلکه باشقا محله لریده بو آشامادا قیساجیق قئیده آلماق اولور. اورنک اوچان غریباندا بیر مدرسه نین نئجه تیکینتیسیندن آد گئدیر. بو مدرسه اوتن چاغدا فیرقه یه سوی قیریم یاراناندا، محمد رضا شاه دونمی، اوغلو ولیعهدین دوغوم گونونه اساس تیکیلیب. بونا گوراکی فیرقه آداملارین اوست اوسته قالایاراق گومدوکدن سونرا و عین حالدا ایز ایتسین دئیه بو مدرسه محمد رضا شاه دونمینده، بو انسانلارین اولولرینین اوستونده بینا تاپیب. بونلاردان باشقا هفتان، سانجی آرخی، سومرین کندی، سرعینده ۱۰۱نفردن سوز گئدیر.
سومرینده ۱۷نفری اولدوردوکدن سونرا اونون صاباحیسی اولولرین باشین کسیرلر. سریه خانیمی کندین کاتداسی دالدان وورور. بابا قاچاق اولور وبئش ایل زامانیندا قاچاق بابا داغلاردا یاشاییر. بئش ایلدن سونرا بیر رمضان آدلی مامورون الیله توتوقلاناراق چیل گز کندیندن بئله اردبیله گتیره رک زیندانا سالینیر. تال بیشلاغلی فیضی اوتایدان قاییتیغدان سونرا زیندانا سالینیر و نهایت آزاد اولدوغدان سونرا دونیاسین ده ییشیر.
خلیل آذر آبادگان محمد رضا شاهین قاباغیندا قوربان کسیلیر. عین حالدا اوچاغدان قالان حمید ستایش آدیندا بیری سون گونلرده عومرونه ده ییشسه ده. سسیز سمیرسیز تورپاغا تاپشیریلدیر.
بو قیسا اون سوزدن علاوه اسماییل بیگین اولای حیکایه سینه قاییتمالیییق.
اسماییل حکاک کوکسل آدی و اسماییل بیگ و ساری اسماییل آدینا آدلیم تاپان انسان فرقه زامانیندا مسکودا درس اوخوموش، ساوادلی و عین حالدا وارلی آئیله دن بیریدیر. و بو آدام همیشه شرایطه اعتراض ائدن بیریده سانیلیردی. بیر گون رسول صمیمی( ساواک مامورو) آداملاریلا بیرلیکده توکولرک اسماییل بیگی وورا _ وورا بیر کالاوانین دیبینه چاتدیرمیشدیلار. اسماییل بیگ آل قان ایچینده یاری جان کالاوانین دیوارینا سویکنمیشدی. او حالدا بیر حاممال داللیق بئلینده ایسته دی اسماییل بیگی وورسون دئیه، اسماییل بیگ قان آلمیش گوزلرینی آچاراق دئدی: آی آنلاماز کیشی بونلار منی درجه و مقام اوچون وورورلار. من چالیشیرام او پالانی بئلیندن گوتورم آخی ) او حالدا حامامچی ممی، رسول صمیمی له بیرلیکده قمه ییله اسماییل بیگین سینه سین سوکه رک یاشامینا سون قویورلار. رسول صمیمینین اردبیلده بئش دنه آروادی واریمیش. و اوزده انقلابدان سونرا مجاهدین خلقه قوشولان بیر آدامدیر.
رسول صمیمدن علاوه رزاق آدیندا بیر قان ایچن و جللاددان سوز گئدیر. بو آداما باش کسن رزاق دئیرمیشلر. چونکو فرقه آداملارین اولدوردوکدن سونرا باشلارینیدا کسن بو آدامدیر.
حتی توتو آدیندا بیر خانیمین اولوسو شهرین اورتاسیندا اوزانمیش حالدا قالمیشدی. بو خانیمین دوشلرینی کسیب و سینه سینین اوستونه قویموشدولار و شهر قان آغلاییردی….