اردبیلده «گنجه لی اولو نیظامی‌یه سایغیلاما توتورلار.»
اردبیل گؤروشونه کیملر چاغریلیبدیر؟
تورک میللتی نین و دیلی‌نین بیرینجی دوشمنی حداد عادل جنابلاری!
بیر تورپاقدا کی، کیمی نیظامینی کورد ائدیر، کیمی ایسه تفرشلی، نییه گرک اردبیلده اونا سایغیلاما توتولسون؟
نییه آپاریب تفریشده یا کزازدا توتمورلار؟ کی جناب جلال الدین کزازیدا حدادا قاریشیب بیر ذبیح الله صفانین یاریمچیق قالمیش ایشلرین بیتیره لر.
– اورمودا “همزیستی و تعاملات فرهنگی مسیحیان و مسلمانان در آذربایجانغربی” اؤزلری دئمیشکن کارگاهی کئچیریلیر.
بو کارگاهین زامانیدا دارتیشمالیدیر.
هر حالدا اورمو میللتی مارشیمونو، مستر شدی، آقا پطروسو… یادیرغایا (اونودا) بیلرمی؟
ائرمنی و آسوریلرین روسلارا و خاچ دونیاسینا بئشینجی هالای اولماغین یادیرغاماق اولارمی؟
بو او دئمک دئییل کی ایندی بیز قانا – قان ایسته‌ییریک. یوخ! آذربایجان تورک میللتی باشقالاری‌ایله بیرگه دینج یاشاماغی تاریخ بویو ثبوت ائدیبدیر. آنجاق آذربایجان تورک میللتی داها آییلیب، یاخشیلا پیسی سئچه بیلیر.
– کیهانین تیتری ، «شلیک تبریز جان اردوغان را لرزاند»
بو منفنگییه (مافنگی) دییه‌ن یوخدور؛ سن گؤرن آغاجلاری کؤکوندن کسیلیبلر.
سن گئت منقلیوین کؤزون ایتیلت.
– بی بی سی برلینده بیر کوردله اربیله راکت حمله سیندن دانیشیر، سؤزچو دئییر؛ ایران، ایسراییلین دورگه سین وورورسا، آذربایجان جمهوریتنی وورسون!. . بحرینی وورسون!..
نییه اربیلی وورور؟ چون ضعیفدی! گوجسوزدو!
رحیم عباسی
