تورا سنه نه؟ تیراختور -پیروزی اویونوندان دولایی
آزربایجانین تیراختور فوتبال ییغماسی (تیم فوتبال تراکتورسازی آذربایجان ) لا تهرانین پرسپولیسی آرا تبریزین قورتلار دره‌سینده قورولان سون اویونونداکی یاشانان اولایلاردان سونرا، فارس مئدیالاری ایله اؤلکه نین مقدراتینی الینه آلمیش پان فارس مسئوللاردان گؤزله‌نیلمز دئمک اولماز؛ داها دوغروسو گؤزله‌نیلن دئدی قودولار رسمی و غیر رسمی مئدیالاردا تیراژلانماغا باشلامالی ایدی. بوتون بونلار گونئی آزربایجان میللی حرکاتی دنیزینین بیر داملاسی اولاراق، زامان سوره‌جینده قازاندیغیم تجربه‌لردن دولایی، میلچک ویزیلتیسی کیمی قولاقلاریمدان ویز کئچیردی. چونکو آتالار دئمیشکن:« دگیرمان ایشین گؤرر، چاخ-چاخ باشین آغریدار». اونسوزدا بیز دوزگون یولدا اولدوغوموزا توزجا بئله شوبهه‌میز یوخدور. ائله بونا گؤره ده، قارشی طرفین (ایران رژیمی ایله پان ایرانچی اپوزسیونو) بیزی دونیانین نه‌بیلیم هانسی اؤلکه‌سی‌نین قویروغونا باغلایاجاقلاری ایله یاناشی، بؤلوجو (تجزیه‌طلب ) آدلاندیراجاقلاری هئچ‌ده اؤنم داشیمیر. بونو داها ایت اوغلو پاراغ دا بیلیر کی، ایرانی بؤلونمه‌گه یؤنلندیرن بیرینجی نه‌دن‌لردن أن باشدا گئده‌نی ، اؤتن یوز ایل بویوندا پهلوی ایله ایران اسلام جمهوریتی رئژیملرینین مرکز یؤنلو ، ائله‌جه ده ایندیکی ایران آدلانان اؤلکه ایچه‌ریسینده فارسلاردان باشقا اولوسلارین مدنی- مالی، سیاسی و… حاقلارینین اؤده‌نیلمه‌دیگی دیر. نئجه دئیه‌لر: سؤز واختینا چکر؛ 1385 –جی ایل ایران گونده‌لیگی‌نین سوسه‌ری کاریکاتوراسینا اعتراضی‌نین ایل‌دؤنومو گونلرینده، اؤتن هفته قوردلار دره‌سینده یاشانان اولایلارینین بیر باشا سوچلوسو(امید عالیشاه) ین بیر داها گولونج دوروما دوشن ایرانین حاکمیتی ایله مئدیالارینین شانتاژلارینا سس‌سیز قالماق اولمور. اومود قاغا اوتانمازجاسینا تیراختور عاشیقلرینه داش آتماسینی داناراق، اوسته‌لیک اونلاری سئپاراتچی(تجزیه‌طلب) آدلاندیردی!!!
او، ایرانین 3-جو تله کانالینین «فوتبال» آدلی وئرلیشینین آپاریجی‌سی‌نا تیراختور سئونلرین باشقا اؤلکه‌لر بایراغینی دالغالاندیراراق، اؤزو دئمیشکن تجزیه‌طلبانه شعارلاریندان اوزگون اولوب و دئمه لی بونا گؤره ده، بیرینجی اونلاری داشلاییب، و سوندا اوتانج وئریجی شکیللرینین یاییلدیغیندا گؤردویوموز کیمی، بو تجزیه‌طلب‌لره، اؤز آغزینا و عاییله‌سینه یاراشان … گؤسته‌ریب!
1- بو انسانا اوخشار دانیشان حیوانا دئمه‌لی‌یم کی؛ آی آنلاماز، نه دن عئرمنستان بایراغینی تهرانین آزادی استادیوموندا استقلال ایله پرسپولیس طرفدارلاری آچارکن، آغیزلاریندان یئکه پ… یئینده، اونلارا دا…نی گؤسترمیردینیز؟!
2- توتاق کی لاپ سن دئیه‌ن دیر؛ اؤلکه‌نین تهلوکه‌سیزلیک گوجلری اولارکن، دئمزلرمی:«تورا سنه نه؟».
حبیب ساسانیان (یاکاموز)
