جغرافی آدلارین اساس آنلام لاری

311

جغرافی آدلار اساسیندا، هر بیر یئرین آدیندان باشقا، آدلاریندا اوزونه آیید آنلامی وار. سوز بوردادیر هئچ بیر جوغرافی آد، آنلامسیز دییل. بلکه مختلف قایدادا جوغرافی یئرلره آدلار وئریلیب.
آشاغیدا گلن قونو ساوالاندا قوتورسویونا یاخین نئچه دنه دره سوز قونوسو اولا بیلیر.
۱.گنزرلی: بو دره خیاو شهرینه باغلی اولان یوخاری نوغدودان باشلاناراق، اون اوچ کیلومتره یاخین اولچو باخیمدان. نوغدو، چاناق بولاق، بابی یان، میس دره کندلرینی اوته رک لنج آوا کندینه چاتیر.
عینی حالدا گنزر سوزجوک باخیمیندان بیر نوع آغاج آنلامیندادیر. بو آغاجا آردیج و ارجه ده دئیرلر.
۲.سولو دره: هم ارلده و هم ایسه شاتیر گونبزی کندینده یئرله شن مختلف یئرلردن سو آخان دره دیر
۳.ساژدیق دره سی: شاتیر گونبزی کندینه آیید دره نین آدی اولسادا آنجاق سوزجوک باخیمیندان شیو و شوو آنلامیندادیر. باخ: نهال
۴.شیروان دره: لاری شهریندن باشلاندیقدان سونرا شابیله چاتاراق ۲۰کیلومتر تخمین وورولور. بو دره ده گورمه لی یئرلر و عینی حالدا تاریخی آراشدیریم لار دان زامان کوهوللرین، هیستی کوهول، ایستی بولاق. طبیعتدن قایریلمیش تندیس لر، پیری کوهولون، قورد یولون و نادر باخاندان سوز آپارماق اولور.
نادیر باخان دئدییمیز روایت اساسیندا نادیر باخان بو اوجا قایانین باشینا چیخاراق اوز قشونونا باخارمیش. و عینی حالدا قیش فصلینده کندلردن اوت و سامان قوتاردیقدان سونرا قار یئردن چکیله نه قدر مال داوارلارین بو دره نین کوهوللرینده ساخلاردیلار.
تاریخی باخیمدان حتی شیروان شاهلا، شیخ حیدرینده ساواشی بو دره ده اولوب.
اوزون دره: آدیندان بللی اولان دره آدی
گوده دره: قیسا و بالاجا دره
میس دره: خیاو شهرینه باغلی اولان کند آدی. بو دره ده میس اولدوغو اساسدا بو آدا یئر تاپیب
گوو دره: تورپاغی و داشی گوو رنگینده اولان دره
هیلال دره سی: بیر بالاجا و گودول دره نین آدی
گئن دره: آچیق مسافه لی بیر دره
جنه وار دره سی: ساوالاندا نئچه دنه جنه وار دره سینه راستلاشیریق. جنه وار بو دره دن قویونا جومارکن و عینی حالدا یاشام یئریده اولا بیلیر.
جین دره سی: ان درین دره نین آدی
جهنم دره سی: درین و دار دودوک بیر دره نین آدی
بند آلی دره سی: لنج آوا کندینده یئرله شن بیر دره آدی
گیژژ و دره سی: بو دره ده اینه یی جونگه ییله جوتلشدیره رمیشلر
یورکو دره سی: یورکو اکیلن دره
گور گور دره سی: هم ساوالانین مشکین و هم ایسه سرعین طره فینده یئرله شن دره آدی. یایدا داغا چیخدیقدان سونرا گورگور دره سینده قالاندا، گئجه ساعات ۹و۱۰دا آخار چایلار گورولده یه رک قورویاردیلار. بو اساسدان سحر یوخودان قالخدیقدان سونرا یئنی دن بو سولار آخماغا باشلاردیلار.
ساری دره: سرعین شهرینه یاخین دره آدی
تنبکی دره سی: سومه رین شهرینه یاخین دره آدی

رحیم غلامی