دردی چوخدو آزربایجانین، یاراسی دا سایا گلمز
اوزون حسن دن بو یانا، دوست دوشمانی سئچیلمز اولدو بو دیارین. دوغما بالاسی اولان صفوی لر بیر جور یارالادی، اوزگه اولان زندیه بیر آیری جور. اووشارلارین دا الیندن بیر یئترلی ایش گلمدی یارالارین ساغاتماقدا. نه ائده بیلردی؟ عومرو چوخ قیسا اولدو اووشارلارین.
قاجارلار دوورو، ان آغیر یارانی یئدی آزربایجان.
روسلارین ان قیزقین چاغیندا انگلیسلرین ان گوجلو دوورونده، خرافه لرین ان کسگین زمانیندا، گلستان مقاوله سی یازیلدی، ایکییه بولوندو عزیز آزربایجان. یعنی بئلی سیندی بو دیلاور ئولکه نین. او زاماندان بو یانا، آزربایجانی داشلاماق، تحقیر ائتمک، حاقین یئمک نه قدرده آسان اولدو اونا بونا.
پهلوی سلطنتی بئله بیر دوزئیین توره نیشیدی. پهلوی لر آچیق آیدین دوشمانچلیق اعلانی وئردیلر آزربایجان علیه ینه. پهلوی سلطنتینده دولت قورولوشو رسما آزربایجان جانینین قصدینه دوردو. آپ آچیق دوشمانچیلیق. حتی آنا دیلیندن محروم ساخلاندی آزربایجان میللتی.
بو قارا گئدیش، بو جان آلیجی آخین، هله ده سوردورلور تورکلرین علیه ینه.
لعنت اولسون. بو قورقو و بو قورقونون باشا باش خادیملری، کیمسه آزربایجانین دادینا چاتمایاجاق.
اورمو گولونه باخین. سونگون معدنینه باخین. آنا دیلمیزده طبیعی حاقلاریمیزین قارا گونونه باخین. آزربایجان توپراقلاریندا پیلانلی کورد یاییمینا باخین. هر آغاجین دیبینه هر داشین آلتینا باخین آزربایجاندا. نه قدرده آشکاردی آزربایجان علیه ینه آپاریلان دوشمانلیقلار.
آهای آزربایجانلی مقام و منصب صاحیبلری… اورمو گولو قورودولور. کورد یاییمی توپراقلاریمیزی ییه لنیر. سونگون معدنی کیرمانا ساورولور. آخی به نییه بیر ایش گورمورسوز؟ دادینا چاتین بو نیسگیل وطنین.