قیز، قیزیل و قیزیل قالاسی
” قیز” سؤزلوگو، تورک دیلینده خاص بیر آد اولاراق کؤکسوز، بینؤره سیز و آنلامسیز بیر سؤزلوگ دئییل. بو سؤزلوگ تکجه قیز و قادین آنلامین داشییان بیر کلمه ده دئییل؛ بلکده تورک اینانجیندا و تورک آنلامیندا ، ” قیزلار و قادینلار ” داغلاردان دا آغیر و زنگین اولان بوتون بیر قیزیل پارچاسی و بنؤره لی و داشدان دوزه لن و سینمییان بیر اوجا قالادیلار.
تورکجه و تورک دیلینده، ” قیز” کلمه سی ” زنگین بیر کاریزماتیک و فتح اولمویان بیر قالا ” آنلامیندا گلیبدیر. تورک ائللری و خالق_لاری تاریخ بویو او قالایا فخر ائدیب و اونلاری ” قیز قالاسی ” آدیلان آدلاندیریب و باش اوجالیق ائدیب و ائدیرلر.
تورک یوردلاریندا” قیز” آدیلا آدلانان چوخلو توپونیملر و یئر آدلار واریمیزدیر: قیز قالاسی، قیزلار کؤرپوسو، قیزلار داغی، قیزلار دره سی، قیزبولاغی، قیزکندی، قیزگون، قیزاوجاغی، قیز اورمانی، قیز مئشه سی، قیزلار توپراغی، قیزلار تپه سی، قیزلار محله سی، قیزلار بؤلوگو، قیزلار اؤلکه سی، قیزلار اوباسی، قیزلار یوواسی، قیزیل قیزلار و…
“قیز” سؤزلوگو، تورک ماهنی‌لاریندا، تورک فولکلوروندا، تورک ناغیل‌لاریندا و بوتون تورک ادبیاتیندا بیر پارلاق اولدوز کیمین پارلاییب و پارلاغدادیر. بونا گؤره “قیز” کلمه سی تورک ادبیاتنیدا “ادبی بزه کلردن” سایلیب و بایاتیلاردا و ماهنی لاردا اؤزون گؤسته ریب و قیزیل کیمین قیمتلی اولان بیر شئیه دلالت ائدر:
🔹بو جینسی وئریرم ائله بیر قیز دی ها
🔹آسلانین اِئرکک دیشی سی یوخ
🔹داش وار قیزیل دان قییمتلی، قیز وار اوغول دان غیرتلی
ائل بایاتیلاریمیزدا و ماهنی لاریمیزدا اولان “قیز” سؤزلوگو ، چوخلو یئرلرده زنگینلیگین گؤستریب و آی-گون کیمین ادبیاتیمیزا سۏنسوز و سؤنمز بیر ایشیق سالیبدیر . اؤرنگ ایچون #گروس- بایاتیلاری مجموعه سیندن بیر نئچه بایاتی پایلاشیرام:🔻
🔺نازلاسین دیلیم سنی بؤیوتسون ائلیم سنی
میداندا آت اوینادان آسلان_قیز بیلیم سنی
🔺قیز اولماسا ایز قالار اینسان قالاسیز قالار
قیزیلا چۏخ گۆونمه قیزیل گئدر قیز قالار
🔺من دئمیرم آی اولماز قیش اولماسا یای اولماز
چوخ آنالار قیز دوغوب تورک قیزینا تای اولماز
🔺قیزلار چئخین داملارا سو دولدورون جاملارا
تالوار چایی سوسوزدور یالوارین ایماملارا
🔺عزیزیم بنده، دئیر سو گلیر بنده دئیر
بیجاردا بیر قیز گؤردوم بۆتۆن بیر کنده دئیر
خلیل مختاری‌نیا
