بی-بی-سی، وو آ، من و تو، اینتئرناشنال
بو آدلار ایران آدلی اؤلکه نین بۆتۆن ائتنیکلرینه تانیش آدلاردی. باشقا سؤزله فارس دیلینی باشا دۆشنلره تانیشدیرلار.
بونلاردا فارسلیغی و اونو ایرانلا بیرگه یایماغا( ریکلام ائتمه یه ) تانیشدیرلار.
کیملرین بو تۏرلارا( شبکهلره ) گیرمه سین یاخشی بیلیرلر.
دئمک منیم یاشیم بۏی وئره سی بئله گؤرمۆشم و بیلمیشم ایرانچیلیغی، باشدا فارسلیق اوْلاراق دوْغرو – دۆزگۆن دستکله ییب، ایره لی یۆرۆدۆبلر. بونلار ائشیکده بۏیونلارینا قوْیولدوغو گؤرَهوی یاخشی و گؤزه گلیم ایرَه لی سۆرۆبلر.
ایچَریده ایسه حاکمییت فارسلیغی شیعه لیک اؤرتۆگۆیله اۏنلاردان دا یاخشی و آیدین سۆرۆکلهییبدیر.
یانی ایچَری له دیشاری، فروغی لر قوردوغو قورومو قوروماقدان سا، درین باخیشلا درینلهدیب، چوْخلو اوغورلار قازانیبلار.
دیشاریلار اولوسلار آراسیندا، ایچَریدهکیلر اینام و ایدئولوژی دۏنو گئیدیرمکله ایندییه دک چوْخ اوغورلو اولوبلار.
آما سؤزۆم یالنیز یازدیقلاریم دئییلدی.
ایستهییرم اوْخوجولاری ایچَریده یانیتما بیر فیکرلره توْخوندورام.
بو کی، ایران اینترناشنالین خرجین (یاتیریمین=سرمایهسین) سعودی عربیستان اؤده ییر، منجه دۆز اوْلا بیلمز. چۆن عربیستان ایسترسه، ایران آدلی اؤلکه ده بوندان بؤیۆک ایشلر گؤره بیلر؛ بوندان درین و سسسیز!
بس یازینین اساس آماجی نهدیر؟
اوْخوجلار یاخشی بیلیرلر: پهلویلر یا ایندیده گؤز اؤنۆنده گؤردۆیۆمۆز کیمین؛ ثروت، قۆدرت، پول کیملرده دیر.
دۆزدۆر، بۆتۆن حاکمییت یانچیلاریندا!
پهلوی دؤنَمینده بونلار بوندان دا قات- قات یوخاریدایدیلار؛ هامیسی ثروتلرین گؤتۆرۆب قاچدیلار. بونلارین چوْخو اۏ اؤلکه لره قاچدیلار کی، یاخشی تانییردیلار. چۆن چوْخلاری اۏرالاردا درس اوْخوموشدورلار، یا دا باشقا اؤیرنجیلیکده اوْلموشدورلار.
بونلار بؤیۆک پوللارلا گئتدیکلری اؤلکه لرده یاتیریم یاتیریب، ایندی ده ثروتلی، پوللو-موللو هامپادیرلار.
یاخشی! اوْلماسین بو یاتیریملارین ایگنه اوجو، نه ائده جکدیر؟ هئچ نه!..
سؤزۆمه قۆوت، یئتر دیشاریدا قیرخ ایلده فارس دیلینده چاپ اوْلوب یاییلان کیتابلار.
یئتر هر نهنهسیندن کۆسن بیر تیلویزیون تۏرو ( شبکهسی ) دیکلتمه سی.
من ائشیدن دؤرت یۆزه یاخین تیلویزیونلا -رادیو یایینتی سی فارس دیلینده بونلارین پولو ایله یاییملانیر.
مهندس رحیم عباسی (رعا اوجاق)
اهداف گروه خبری آذتورک خبرلری:
سایت آذتورک خبرلری بطور روزانه و فعال اخبار و مطالب مربوط به حقوقبشر، آذربایجان، جهان تورک، مقالات و غیره…
با اینکه تورکها خدمات بی پایانی به ایران کردهاند. اما رژیمهای مذکور ملت تورک را به دلیل خواستههای مشروعشان بارها سرکوب کردهاند و این سرکوب ها همچنان ادامه دارد.
سایت آذتورک خبرلری صدای فعالین مدنی و حقوق بشری و مدافعان آزادی و دموکراسی ملت تورک و پاسخی به تبعیضها و سرکوبها علیه آذربایجان است.
سرزمین آذربایجان متعلق به ملت آذربایجان است و سرنوشت آذربایجان را ملت آذربایجان تعیین خواهد کرد. حق تعیین سرنوشت از ارکان اساسی ملتهاست و آذربایجان هم از این قاعده مستثنی نیست.
از شما خواهشمندیم، سایت ما را به دوستان و آشنایان خود معرفی کنید و با ارسال فیلم و خبر ما را یاری نمایید.