*تورکلر، ایران تورپاغینین حقیقی ییهلری
زیگموند فروید اودیپ قالیبینده ذؤوق پرینسیبینی تصویر ائدیر.
فرۏیدون فیکرینجه، افسانهوی اودیپ؛ آتاسینی، اؤزونو لذت آلماماقدا و یا نتیجهده، آناسی ایله جینسی علاقهده اولماغین لذتینی قازانماق اوچون آتاسینی و یا «باشقاسینی» گوناهلاندیریر و اؤلدورور! اودیپ میفینده بو قیرغین آنتی-عیرقچیلیین و یا «عیرقچیلیین»باشقا بیر تمل داشی اولاراق قئید اولونور. بو فئنومئن فردی ایضاحاتدا، باشقاسی آنتافونیزمده و کوللئکتیو ایضاحاتدا عیرقچیلیک آدلاندیریلیر.
اودیپ ۲ – ۵ یاش آراسیندا اولدوغونا گؤره اونو بیرینجی اینسانلارین سیموولو آدلاندیرماق اولار. یئتکینلیک دؤورونده ذهنی حاللار شکلینده گلدییندن، یئنی اینسان دؤورونه برابر حساب ائدیله بیلر. ابتدایی چاغلاردا اودیپ، اراضیسینین گئنیشلنمسینه گؤره باشقالارینین ساحهلرینه هجوم ائدهرک مئیوه، سو، نفت و گاز ألده ائتمکده باشقا سوءاستفاده حاللاری و… مثلاً: (ایرانین کویرچؤلو طایفلارینین زنگین و ملایم آزربایجان اراضیلرینه و یا نفت یاتاقلاری ایله زنگین اولان خوزیستانا هجومو …).
بو ایضاحاتدا ژیژک’-ین نازیلری یهودلارا قارشی آنتیسئمیتیزمینی تحلیلیندن بحث ائدیله بیلر. ژیژک ناسیست تبلیغاتیندا خزر تورکلری یهودیلرینین همیشه آلمانلار اوچون بدبختلیک منبعی اولدوغونو وورغولاییر. مثلاً، اینگیلتره مئدیالاریندا دایم اوخویوروق و ائشیدیریک: ایمیقرانتلار( مهاجرلر) پولسوز اولاراق سوسیال رفاهدان ذؤوق آلماق اوچون اؤلکهیه سئل کیمی آخینیرلار. آیری طرفدن، فاشیست تبلیغاتیندا یهودیلَر قانونا قارشی چیخان و اونو پوزان بیر فیقور کیمی تقدیم اولونور! و حرفی معنادا بیرینجی جزا اولونمالی و آردینجا کؤکلری کسیلیب یئر اوزوندن سیلینمهلیدیلر. بئلهلیکله، ماکس موللئرین ‘آریان= آریایی’ جمعیتینده یئنی بیر آهنگ میدانا گلهجکدیر. بوندان علاوه، ناسیستلر ادعا ائدیردیلر کی، مادی و گوج وظیفهلرینی توتان بیر چوخ یهودی وار، حکومت ایسه گوجلو و اونلارا قارشی دورما قابیلیتینه صاحب اولمالیدیر. بئلهلیکله، فاشیست تبلیغاتیندا بیر طرفدن یهودیلرین اینسانلاردان داها آز – حشرات و وحشی گمیریجیلر اوبرازینی گؤروروک (عینیله ایران دؤولت قزئتینین 1385-جی ایلین خرداد آییندا تورکلره باخیشی کیمی). و بو شکیلده اونلارین محو ائدیلمهسی اوچون راسیونال( عقلی، منطقی ) اساسلاندیرما داها آسان اولور. باشقا طرفدن، بیز اونلاری حدیندن آرتیق گوجلو و تأثیرلی گؤستهریریک. ایران مئدیالارینین اکثریتینده تورکلره قارشی، تورکلرین تهرانا هیجرت ائتدیکلرینی و فارسلارین سفالتینه سبب اولدوقلارینی گؤروروک! (حالبوکی، تهرانین جنوبونداکی اراک، و اطرافی کیمی مسافهلر، مثلاً، ساوه، قوم و خلجیستان بؤلگهلری، طبیعتجه، تورکلرین دوغما و اجداد تورپاقلاری ایدی. بونا گؤره ده قاجار تورکلری بیر مدتدن سونرا آزربایجانین تاریخی اراضیسیندن اولان یایلاق آب هاوالی تهران کندینی اؤزونون پایتاختی سئچدی) بو کیمی اشارهلردن استفاده ائدرکن: تورکلری ضرر وئریجی حشره و حیوان کیمی گؤسترمک پسیخولوژی باخیمدان، یعنی اینسان لیاقتینی آشاغی سالماق اوچون کوتلهلر آراسیندا هر هانسی بیر وجدان عذابیندان قورتولماغا ساحه یارادیر. مثلا، محمد رضا شاهین اردوسو میللی حکومتیمیزین فداییلرینی قیرغینینی ۱۳۲۵-جی ایل آذر آییندا بونا بیر نمونهدیر. ایران اوردوسو، تورکلرین انسانلیق دان قیراق اولدوغونو و اونلاری اؤلدورمهیین اجازهلی اولدوغونو اینانمیشدی! تبلیغات نتیجهسینده دوشونوردولر کی تورکلر لذتی اونلاردان آلیبلار! و یا آلماق ایستهییرلر! تورکلرین اؤنملی وظیفه باشیدا اولمالارینا و یوکسک سَوییهلی رسمی اولماقلارینا دا بونون آرخاسیندا عینی پسیخولوگییایا صاحبدیر. بو کی خامنهای تورک اولاراق اؤلکه ده لیدردی، ظارافات دان باشقا دئییل. گؤرونور، آتا طرفیندن آچیق شکیلده، ۳۷ سوی ایله عراق اصیللی و آنا طرفیندن ایسه اصفهان ایالتینین نجفآباد قصبهسی اصیللی، مشهد شهرینده آنادان اولوب. (بو ادعانی ثبوت ائتمک اوچون، انقیلابین لیدری سیدعلی خامنهای وئب سیتهسینه مراجعت ائده بیلرسینیز)
بیر اوشاغین دوشوندویو کیمی، آتانین اوغلونا آناسینی محروم ائتمهسی اوچون بیر شئی وار و اوغلان بوندان لذت آلماسی اوچون آتا محو ائدیلمهلیدیر. بو آتا، محو ائدیلمهلی اولان بیر باشقاسیدیر! چونکو بو اوغلانین دردیدیر. بو جریان ایران درسلیکلرینده و تاریخینده گئنیش یاییلمیشدیر:« وحشیمونقوللار سویوندان اولان تورکلر- وحشی غارت ائدیجیتورکلر – کؤله تورکلر – و … »، ایران درسلیکلرینده و تاریخینده ایرانین سؤزده دونیا مدنیتیندن گئری قالماق سببی تورکلره عاییددیر! «تاریخی سندلرله برابر اولاندا بو چاتلار همیشه ایرانی قورودو و اراضیسینی گئنیشلندیردی».
فردوسی، چاتلاری سیلمک اوچون رستمی گؤندهریر. محمد رضا شاه پهلوی ایسه، کوچه دارغاشاییرد لاتلارینی، اوردونون سئچگیلره نظارت ائده جهیی اؤرتویونده، اوردودان اؤنجه تبریزه یورودور.
فارس آدامی ادعا ائدیر کی، ایرانین ایتیریلمهسی مونقوللارا و قاجاریلرین یئترسیزلیینه، حتی بو گون تهرانین ثروتلرینین تالانماسی تورک تاجرلرینه عاییددیر. بَللیدیر کی، بورادا آچیق و بؤیوک بیر ضدیت وار. تبریزده، اصفهاندا و تهرانین اؤزونده ده اینانیلماز و تاریخی عابیدهلر تیکمیش بو وحشیلر نه قدر وحشی ایدی؟! و یا ماراغادا اولدوزلاری مشاهده ائتمهیه ۶۰۰ ایل اؤنجهدن رصدخانا تیکیبلر! همن ایشلر کی ایندی ناسا گؤرور. بو گون ایراندا هر بیر اینکیشاف تورکلرین محصولودور. ها بئله عالیم و عالیملرین چوخو تورکلر آراسیندادیر. آنجاق پان ایرانچی فارس باخیمیندان بونلار حیوان و بؤجکلردیر، بو گونه قدر دؤولت یاییم مکتبی فارسجا دانیشانلاردان آچیقجا سوروشان بیر آنکئت پایلاییر:
بیر تورکله علاقه قورماق ایستییرسن؟ !
بیر تورک طلبهسی ایله عینی اوتاقدا اولماغا حاضیرسینیز؟!
بیر تورکله قونشو اولماغا حاضیرسان؟! بیر تورکله عائله قورارسانمی؟ و…
بو ژیژک’-ین عیرقچیلیگی ایضاح ائدرکن سؤیلهدیی اودیپال ضدیتدیر. بو مباحثهده، آتا گوجلو اولدوغونا گؤره قانونون سیمگهسی دیر. آنجاق آنا ایله یاتدیغی اوچون قانونو پوزور. بو گیزلی ضدیت، گوجلو اولان و ثروت اوغورلایان باشقا بیرینین «ذؤوق» پرینسیپینین عینی سیموولودور. بونو آرادان قالدیرماغی آسانلاشدیرماق اوچون هر واندالیزم (وحشیلیک) مباحدیر. بو عینی عدالت دئمکدیر. بئلهلیکله ، ایرانین آتاسی اولان وحشی قوللار، یعنی تورک ایشغالچیلار محو ائدیلمهلیدیر.
*قیسا دَگیشیکلرایله یاناشی ترجمه
حبیب ساسانیان(یاکاموز)