انسانلارین ایلنمه سینه قوللوق ائدن فلکلور نمونهلرییندن بیریده تاماشالی اویونلاردیر.
تاماشالی اویونلار فولکورون اسکی ژانرلاریندان بیریدیر.
خوراسان تورکلرین فلکلور اویونلارا عاید اٶزل ساییلاری ایچیده بیرسی اوشاق(چاغا) گلین کورکن، قولچاق توی اویناماغی، یا خونچا خونچا دیر.
قولچاق سٶزجو گونون کٶکو حاقدا اتیمولوژیلری:
۱- قولچاق، اصلیده قورچاق دیر و قورماق فعلیندن تٶردیلیب و دوزلمیش و قورولموش آنلانمیندادیر.
۲- قولچاغی، قول سٶزونه باغلاییب قولا تاخیلان آراجالارا عاید عمومی بیر آد اولدوغونو سٶیله مکده دیر.
۳- آیریجا گونوموزده ایشنن “ائو قورماق” ، “چارداق قورماق” و “چادیر قورماق” کیمی ایفاده لرده بو اٶزل آنلام یاشاماقدادیر قولچاغا گلینجه، قولا تاخیلان بیر اویونجاغین ایفا اوچون حاضیرلاندیغی شبه سیزدیر.
گیریش:
بیز گلینی پارچادان تیکیت ایچینی پار-پارچا ایله دولوراردیق. گلینین بارماقلارینا چوپ قوپاردیق، قیرمیز ساپ ایلهده دیرناق دوزلدریک.
توکلرینی کامفادان دوزلدریک. قاش-گٶزو ایلهده دوداغینی قویاندان سونرادا اوستونه قویون بارساغی چکردیک کی آدام اٶزو کیمی اولسون.
بوتون گلینلر قیز اولاردیلار. فقط هردن ایستردیک گلینه توی توتاق، اوندا اونا کورکن تیکردیک.
قولچالارا ائوده دوزلدریک. سنیق ساخسی قابلاری بئلینهجه تورپاغا قولاردیق.
ننه لریمیز چٶرک پیشرنده بیزده او خمیردن آلیب او ساخسی قابدا چٶرک یاپماق اویناردیق.
منیم اٶزومون چوخ قولچاغیم اولاردی.
یعنی بئله اولمازدی کی ائله بیر قولچاق اولسون اونونلار اوینایاق، قولچاق تیکمه اٶزوده اوینایاق ایدی.
من هئچ گورمدیم اوشاق(چاغا) یا آیری بیرزاد قولچاغی دوزلتسیلر، بیزلرده ائله فقط گلین اولاردی هردن ده کورهکن.
گلینین پالتاری اٶز پالتاریمیز کیمی اولاردی. باشینا یایلیق باغلاردیق، کورهکنین ده باشینا بٶرک قویاردیق.
قولچاق اویناتماغیمیزا هئچ بیر آد دئمه زدیک، امما مثلا قولچاغا توی توتسایدیق دئیردیک توی اویناماغی، یا خونچا خونچا ….
شخص گوینده: عظمت استوار، ۸۰ ساله، قوچان سال ۱۳۹۱