نئچه الله لیلیق یوخسا تک الله لیلیق،تانقریچیلیق یوخسا گؤی تانری / رامین جبرائیلی اندریان«یاشار»
میللت لرین اسکی تاریخینه باخدیقدا گؤروروک انسان اوغوللارینین هر بیریسی دویوب-دوشونمه یین ان اوجقار زیروه سینی کایناتین قوروم-قورولوشو بیلرک اوندا اولان دوزنی چوخ بؤیوک بیر سایغییلا آنمیشلار.
«واردیرسا یارانمیش،مطلق یارادان وار»
بشرییت تاریخینده ایزی اولا بیلن میللت لرین هر بیریسی تانرییا یعنی یارادانا سؤز سوز کی اینانمیشلار. آما بو اینانجین نئجه باشلاماسی یا هاردان-هارا وارماسی یا هانسی سوییه ده دوشونه بیلجک اولان دوشونرلرین طرفیندن اولونماسی میللت لری تانری آنلاییشیندا بیر-بیرلریله آییرمیشدیر!
بیر سیرا میللت لرده تانری آنلاییشی ائله بیر سورجه وارمیش کی اونلاردا نئچه-نئچه تانریچالار یارانا بیلمیش دیر.اونلار کایناتدا اولان هر نه یین بیر یارادانی اولماسینا ایناناراق کایناتی تانریچالارین بیر آرایا گلمه سینین سونوجو بیلمیش لر.بو آنلاییشلادا سویون-سو تاریچاسی،داغین-داغ تانریچاسی،گؤیون-گؤی تانریچاسی،… اولموشدور.
بئله-بئله میللت لرین آراسیندا ائله میللت لرده اولموشدور کی تانریچالارا تاپینماغین یولونو اونلارا هئیکل یاراتماق یا هئیکل یونتالاماق بیلرک یاواش-یاواش بت پرست لییه ساری یؤنلیب اولدوقلاری توپراقلاردا بت خانا لار یاپدیرمیشلار.
«بت لارلا بتخانالار ائله گوجلندی کی تانریچالار یاددان چیخدی»
«نئچه الله لیلیق یا تانقریچیلیق انسان اوغوللارینی بت لار دونیاسینین دوستاقلارینا یئرلشدیردی»