گونئی آزربایجانین «خرداد قیامی» قاتیللریندن بیریسی
یئنه ده گۆنلر کئچدی، آیلار-ایللر دۏلاندی، آزربایجان میللی حرکاتینین چاغداش تاریخینده قیزیل سویو ایله یازیلمیش أن پارلاق گۆنلرین ایل دؤنۆمۆ گلدی چاتدی. دۏغرودور، آچیقجاسینا 1385-جی ایل خرداد قیامی اونودولماز اوغورلو گۆنلریمیزدندیر. بو قیام، میللی حرکاتیمیزین ایستکلرینی بیرباشا قارا جاماعاتین(تودهی عوام یا قشر خاکستری) آراسینا آپاردی.
بو حاقدا نهلر اۏلدو، ایران اسلام حاکمیتینین «ایران» آدلی گۆندهلیک(روزنامهی ایران)، تۆرکلری سۆسَری یه (سوسک) اۏخشاتماسیلا باشلانان مؤحتشم خرداد قیامینی آز-چۏخ هامی بیلیر.
بو قیامدا حاکمیتین غیرانسانی عملینه، آزربایجانیمیزین بۆتۆن یئرلرینده گرکن قارشیدورمالار، گؤزلهنیلندن ده باش اۏلدو.
ایگیدلر دیاری سولدوز شهرینین 1385-جی ایل خرداد قیامینا گنجلریمیزین قیزیل قانلاری ایلا آتدیغی ایمضا داها اؤنَملی ایدیر.
من بو یازیمدا، سیزلری داها پافۏسلو جۆملهلرله خیال قیریقلیغینا سۆرۆکلهمک ایستهمیرم.
آنجاق، بهزاد صبوحی نژاد تبریز، فرزاد اسد پور اورمو، عیوض سیاحی اورمو، رضا میر آقا پوردرویش تبریز، ستار سلیمی تبریز، جلیل عابدی خییو، سینا طارق تبریز، اکبر نوروزی تبریز، اؤزللیکله سولدوزلو همت اسم زاده، حسین فتحی پور، عسگر قاسمی، توحید آذریون کیمی گنجلریمیزین قانلارینین تؤکۆلمهسینده بیرباشا مسئولیت داشییان وطن خائنی، ایندی ده اۏرتادا یئییب، اوجدا گزن، بلکه ده اۏ گۆنلرده قانلی تاپشیریقلارینین اؤدۆلۆ (جایزهسی) اۏلاراق، ایندی آکادمیک آدیلا، اؤز کئفینده دیر.
سولدوز شهرینین 1385-جی ایل خرداد اۏلایلاریندا فرمانداری اۏلموش «محمد امینفرد» بیرباشا موباریز گنجلریمیزین گۆلـلهلنمهلرینده تاپشیریغی اۏلوب. ایندی ایسه ایران اسلام جمهوریتینه اۏ قوللوغو اوجوباتیندان، تبریز شهری دانشگاهینین الهیات و علوم انسانی دانشکدهسینده دانشیار کیمی فعالیت ائدیر. بو آدام اصلینده تبریز کیمی انقلاب اوجاغینین مرکزینده اؤیرنجیلری کنترل ائتمک اۆچۆن اۏ وظیفهیه یۆکسلدیلیب.
چۆنکی زامانیندا سولدوز شهرینده مانقورتلوق سیناغیندان بیرینجیلر سیراسیندا یئر آلیب.
بو وطن خائینی، سولدوز شهرینین 1385-جی ایل خرداد اۏلایلاریندا فرمانداری اۏلموش، ایندی ایسه تبریز شهری دانشگاهینین الهیات و علوم انسانی دانشکدهسینده دانشیار کیمی فعالیت ائدن «محمد امینفرد» له اۏنا تای ساتقینلار، میللتیمیزه تانیدیریلمالی، ائلهجه ده، آرخایینجاسینا یاشامامالی دیرلار.
حبیب ساسانیان (یاکاموز)
اهداف گروه خبری آذتورک خبرلری:
سایت آذتورک خبرلری بطور روزانه و فعال اخبار و مطالب مربوط به حقوقبشر، آذربایجان، جهان تورک، مقالات و غیره…
با اینکه تورکها خدمات بی پایانی به ایران کردهاند. اما رژیمهای مذکور ملت تورک را به دلیل خواستههای مشروعشان بارها سرکوب کردهاند و این سرکوب ها همچنان ادامه دارد.
سایت آذتورک خبرلری صدای فعالین مدنی و حقوق بشری و مدافعان آزادی و دموکراسی ملت تورک و پاسخی به تبعیضها و سرکوبها علیه آذربایجان است.
سرزمین آذربایجان متعلق به ملت آذربایجان است و سرنوشت آذربایجان را ملت آذربایجان تعیین خواهد کرد. حق تعیین سرنوشت از ارکان اساسی ملتهاست و آذربایجان هم از این قاعده مستثنی نیست.
از شما خواهشمندیم، سایت ما را به دوستان و آشنایان خود معرفی کنید و با ارسال فیلم و خبر ما را یاری نمایید.