گونئی آزربایجان میللی حرکاتیندا « رهبرلیک » مسئله سی
سلاملار سایین عظیمی جنابلاری
دوکتور فرزاد بی صمدلی جنابلاری آکادئمیک عالی بیر ساوادا مالیکدیر دئیه و دئمکراتیک بیر اؤلکه و اتمسفرده یاشاییرلار دئیه من اینانا بیلمیرم نهدن اؤنملی بیر مقام و قونویا دویغوسال داورانمیش اولوب؟! البتدهکی وئردیگی اؤنری(رهبریت)گئج ده اولسا دوغرو و عاجیل بیر مسئلهدیرکی گرکی واریدی آزربایجانین سیاسی-مدنی حرکتینده چوخدان اؤنجه حل اولموش اولاردی.
جناب صمدلی بونو نظرده آلمایاراقکی آزربایجانین سیاسی حرکتی مختلف دوشونجهلردن، قوروملاردان، سلیقهلردن و تشکیلاتلاردان و یا مستقل سیاسی رجللاردان تشکیل تاپیر، بو «رهبرلیک» قونوسون شخص محورلیکده گؤرور و اؤنَری وئردیگی توئیتده هشتگایله مستقیم و یا غیرمستقیم گؤستریرکی بو حاقدا شخص محورلیگه دوشونور و سایین عباس بی لیسانی جنابلارین آدین قئید ائدهرک بو بؤیوک و اؤنملی بیر وظیفهنی حؤرمتلی لیسانی جنابلارینا تاپشیریر!!! حال بوکی، بو اؤنری و ایستک هم دئمکراسیه اویغون بیر دوشونجه دگیل هم ده مختلف نهدنلره گؤره جاواب و سونوج وئره بیلمهین بیر اؤنَری دیر. بو او معنادا دگیل: لیسانی بگین بؤیوک موباریز اولدوغون دانمیش اولورق؛ مسئله شخصلرین آدی دگیل، پرابلئم شخص محورلیکدیر. قبول ائتمهلییک آزربایجان خالقی سایین عباس بگی و یا سیاسی حرکتمیزده هر هانسی بیر شخصی او سَوییهده تانیمیرلار دئیه و باشقا- باشقا سببلره گؤره، خالیقین و سیاسی حرکتیمیزین راضیلیغین قازانا بیلمهیهجک. البتده کی بو پرابلئم دئدیگیم کیمی سادجه لیسانی جنابلارینا حصر اولمور، باشقا بیر شخصهده بو پرابلئملرله اوغراشمیش اولاجاق.
جناب دوکتور صمدلیدن انتظاریمیز یوخ ایدی رهبریت مسئلهسیکی آزربایجانین گلهجک و طالعینه ایلگیلهنن بیر قونودور، بئله دویغوسال و غیردئمکراتیک یاناشیب، شخص محورلیگه دوشونموش اولسون (البتده اگر منده بو حاقدا سوءتفاهم یارانماییبسا)…
جناب عظیمی قدیم، دئدیگیم کیمی آزربایجانین خالقی و سیاسی جریانی مختلف فیکیر و سلیقهلردن تشکیل تاپیر دئیه رهبرلیک بحثی شوبههسیز و کسینلیکله «خرد جمعی» اساسیندا اولمالیدیر.
شخصی رهبریلیک سفاریشله یارانماز، اؤرنک اوچون بلوچلاردا، مولوی عبدالحمیده تای جامعهنین اﯙرهییندن چیخاراق محبوبیتی و مقبولیتی اولار، سؤزسوز بونو دا قئید ائتمهلییم: مولوی عبدالحمید هئچواقت رهبرلیگه و قدرته دوشونمهییب و حادثهلر اوزهرینده، حسن نیت اساسیندا خالقینی ساوونوب میللتینه بیر کاریزماتیک و معنوی رهبر کیمی تانینیر…
سایین عظیمی بگ، امنیتی مسائلی نظرده آلاراق، منجه؛ سیزده بو رهبرلیک شوراسینین تشکیل اولماغینا چالیشمالیسینیز؛ چونکو حساس و تاریخی بیر زاماندا قرار تاپمیشیق…
جامع بیر شورا اولسون دئیه مختلف قوروم سلیقه، فیکیر و تشکیلاتلارین نومایندهسی شورادا اولمالیدیر.
دوزدو چتین بیر ایشدیر، آمما حساس، اؤنَملی و تهلوکهلی بیر دورمدا و زامانداییق دئیه بیر شورانین تشکیل تاپماغی گئجه چؤرَگیندن واجیبدیر.
سیزین حسن نیتنیزین و دئمکراتیک مراملی اولدوغونوزا گؤره و هابئله سیاست دونیاسیندان علم و بیلگینیز وار دئیه سیز ائلیه بیلرسینیز رهبریلیک شوراسینین تشکیل تاپماغینا یاردیم ائدهسینیز….
آزربایجانین گلهجهیین دﯙشونن سیاسی کیمسه ایندیکی وضعیته و گلجهیهمیزه لاقید قالمامالیدیر….
علیرضا شیرزاد