«آذریها»ی آغزی أیری‌لَر
رسمی بیر سایت، اؤلکه ایچینده تئرورلا خشونتی آچیقجاسینا دستکله ییر! هئچ بیر اۆرقان دا، حتی دیل‌اوجو بیر اویاری وئرمیر!!!، بو ایسه چۏخ ماراقلی دیر. «آذریها» کانالی حددیندن آرتیق سینیرلی(عصبی) گؤسته‌ریش لر له، اۆسته‌لیک تحلیل لر وئریر. چۏخ یازیقلار اۏلسون، بونلار بو سؤزلرین هانسی سۏنوج‌لارا گتیره بیله‌جَگین فرقینده دگیرلر، چاتیشمازلیق ایسه بوراسیندادیر. قان تؤکمک بو راحاتیلیغا دا اۏلسا، اۏنون آردیندان تؤره‌نه‌جک سۏنوج‌لار(تبعاتی) بو راحتلیگه کۏنترول اۏلمور. دئمه‌لی؛ «آذریها» کانالی، دۆشۆنمه‌دن، قانلی-قادالی قارشی‌دورمالارین نه اۏلدوغونو، هابئله اۏنون سۏنوجلارینا وارمیر. بئله بیر تۏپلوم، آشیری اینانج‌لارینا گؤره، أن یاخین نسنه‌دن (واسطه‌دن) یارارلانیر. انقلاب دان سۏنرا، کۆرد لر اؤز چاتیشمازلیقلارینی چؤزمک اۆچۆن؛ گئتمیشدیلر کئچی‌جی دؤولت «حکومت موقت»له دانیشالار. ابراهیم یزدی اؤز خاطره‌لرینده یازیر: «اۏنلار تهرانا گلمیشدیلر، بو انقلابچیلارینی بیری‌سی بیزه گَرگین(عصبی) شکیلده دئدی: بونلارلا آنجاق سلاح ایله دانیشماق اۏلار.» ابراهیم یزدی آردینجا یازیر: « من بو آداما دئدیم، بونلار دانشیغا گلیب‌لر، دانشیقلا دا چۏخلو مسئله‌لری چؤزمک اۏلور، سن بونلاری دیشلاسان(رد ائتسن)، گئدیب سیلاح گؤتۆره‌جک‌لر؛ سن ایسه داغدا، داشدا، شهرده، کندلرده بوسقو(سنگر) قوروب، گئجه-گۆندۆز ساواشمالی‌سان» بو قاچیلماز، هابئله دانیلمازدیر. ابراهیم یزدی چۏخلو آچیقلاما وئرمه‌ییب‌سه ده، اؤلکه‌نین مادی-معنوی وارلیقلاری ائله اۏ یئرلرده دارما-داغین اۏلاجاغی، اؤزگه دؤولت‌لر، اۏنلارا سیلاح-سورسات وئریب اؤلکه‌نین گۆوَنجینی (امنیتین) آرادان آپاراجاقلار. عائیله لر داغیلاجاق، قوروب یاراتدیغین تیکینتی‌لر محو اۏلاجاق هابئله… یعنی پرابلئم ائله ده ساده دگیل قان تؤکمک‌له چؤزۆله‌سی اۏلا. سن اؤلدۆره‌جکسن، قان تؤکه‌جکسن‌سه، قارشی داکی دا چاره‌سیزلیکدن بئله سینیرلی، ائله‌جه ده قانلی-قادالی ادبیات‌لا داورانیشا اۆز گتیره‌جک. گئرچک‌دن من باشا دۆشه بیلمیرم بو «آذریها» کانالینی بئله بیر ادبیاتی یایملارکن کیملر دۏلاندیریر؟! اۏلا بیلسین بو بیر تۆرلۆ قارا-قۏرخو(تشر) گلمک اۆچۆن اۏلسون. آنجاق بو دا بیر بۏیۆک یانلیش؛ داها دۏغروسو گۆلمه‌لی(کُمیک) بیر استراتژی دیر. اۏنسوز دا، ائله بو آزربایجان اوغروندا چالیشانلار باسقی، تهدید آلتیندا یاشاییرلار. آنجاق منجه بو ادبیاتا اۆز گتیرمک، تۏپلومو لجاجته سالیر، ائله‌جه ده گَرگینلیگه (خشونته) میدان یارادیر.
بهنام کیانی اجیرلی
اهداف گروه خبری آذتورک خبرلری:
سایت آذتورک خبرلری بطور روزانه و فعال اخبار و مطالب مربوط به حقوق‌بشر، آذربایجان، جهان تورک، مقالات و غیره…
با اینکه تورک‌ها خدمات بی پایانی به ایران کرده‌اند. اما رژیم‌های مذکور ملت تورک را به دلیل خواسته‌های مشروعشان بارها سرکوب کرده‌اند و این سرکوب ها همچنان ادامه دارد.
سایت آذتورک خبرلری صدای فعالین مدنی و حقوق بشری و مدافعان آزادی و دموکراسی ملت تورک و پاسخی به تبعیض‌ها و سرکوب‌ها علیه آذربایجان است.
سرزمین آذربایجان متعلق به ملت آذربایجان است و سرنوشت آذربایجان را ملت آذربایجان تعیین خواهد کرد. حق تعیین سرنوشت از ارکان اساسی ملت‌هاست و آذربایجان هم از این قاعده مستثنی نیست.
از شما خواهشمندیم، سایت ما را به دوستان و آشنایان خود معرفی کنید و با ارسال فیلم و خبر ما را یاری نمایید.
