جغرافی آدلار نئجه یارانیب؟

جوغرافی آدلار اساسیندا نئچه ایل دوشوندوکدن سونرا، هر بیر کند و شهره نئجه آدلار قویولوب دئیه بئله دوشوندوم. ۱.طبیعتدن آلینیب ۲.تایفا آدیندان آلینیب ۳.ایش و شغل آدیندان آلیب ۴.استثنا اوچون یالنیز یایلاق آدلاریندا اتفاق و اولای اساسیندا آد وئریلیب.
ایندیسه آشاغیدا نئچه کند آدینی گتیره رک آنلاملارینی قئیده آلیریق.
۱.جبه دار: اردبیله یاخین کند آدیدیر. صفوی و قاجار دونمینده مهمات و زره ساخلانیلان یئر، جبه سوزجویو زره و سلاحدان علاوه قایانین تاغجاسینا دئیرلر. باخ: جر جبه
۲.گئندیشیمین: بو کندین کوکسل آدی گون دوشمه یندیر. یانی کولگه لی یئر، گون توتمایان یئر. بو کند ایسه اردبیل شهرینه یاخین کند آدیدیر.
۳.ارباب کندی: بو کند خیاو شهرینه باغلی اولان کند آدیدیر. عینی حالدا بو کند ین اربابینین آدی اربابی اولدوغو اساسدا ارباب کندی آدینا آدلانیب. بو کند کوکسل باخیمیندان آدی آورادیر. آورا سوزجویو درین دره و اسطوره باخیمیندان الهه دره های عمیق آنلامیندادیر.
۴.لاها: خیاو شهرینه باغلی اولان کند آدیدیر. سوزجوک باخیمیندان یاغ ساخلانیلان ساخسی بارداق آنلامیندادیر
۵.چاناق بولاق: هم اردببل و هم ایسه خیاو شهرینه باغلی اولان کند آدیدیر. بو اساسدا اردبیلده اولان چاناق بولاق کندینین اهالیسی خیاو شهرینین باللیجا کندیندن گلمه دیلر. بو اساسدا چاناق سوزجویونه نئچه آنلام یازیریق. اولچو قابی، ساخسی کاسا، جمجمه، تارین و سازین کونده سی، داشدان قایریلان کاسا و…
۵.قیل پین لی: قیل پین سوزجوک باخیمیندان بیر نوع یاپیشقان و یوموشاق اوت آنلامیندادیر. ایندیسه قیل پین لی یانی قیل پین بیتن یئر. بو کند خیاو شهرینه باغلی اولان کند آدیدیر.
۶.قیل چیق لی: بیر نوع یاپیشقان بیتگی آدی. بو کند خیاو شهرینه باغلیدیر.
۷.سئیین: سرعین شهرینه باغلی اولان کند آدی. سئیین سوزجوک باخیمیندان ساخسی قاب و عینی حالدا مال زیلیندن قایریلان نئهره کیمی بیر قاب و بو قابا قیشدا آرپا و بوغدا توکه رک قیش زوماری ائده ردیلر.
الوار: بو کند خیاو شهرینه باغلی اولان کند آدیدیر. الوار سوزجوک باخیمیندان کسیلمیش و یونولموش آغاج انلامیندادیر
ارجه: بو کند خیاو شهرینه باغلی اولان کند آدیدیر. ارجه سوزجوک باخیمیندان بیر نوع آغاج انلامیندادیر. بو آغاجا مختلف دئییم لرده آردیج و گنزه ده دئیرلر.
کویوز: بیر اولچو قاب آنلامیندادیر
اونار: تعمیر اولان یئر. بیر یئرکی اوردا سماور و والور تعمیر ائدیله
لنج آوا: خیاو شهرینه باغلی اولان کند آدی، چوخ سولو یئر، یئر بولگوسو
بینه مار: سرعین شهرینه باغلی اولان کند آدی، بویوک بینه
کهلیک بولاغی: کهلیک سوزجویو قوش آنلامیندان باشقا اسید معده آنلامیندادا ایشله نیر. باخ: کهلیگیم آزیب