روسییانین اوکراینایا سالدیرماسی و بو ایتتیفاقین سببی نه اولورسا اولسون آنجاق‌کی پوتین بورادا بیر ایشغالچی کیمی گؤرونور او آرتیق اودوزوب و گونو-گوندن ده موحاریبه ایسته‌دییی کیمی قاباغا گئتمیر، بو ساواشدا منجه ایشغالچی‌لیک و اوراسییاچی‌لیک ائدولوگییاسی (پوتینیسم) هنر و صنعت قارشیسیندا (زلنسکی) گویاکی عاجیز قالیب.
-پوتینین پوست سووئت اؤلکه‌لریندن یاردیم ایسته‌مه‌سی، غربی آتوم‌لا هده‌له‌مه‌سی- پولشایا-ایسوئچه-فنلاندا-لیتوانییایا قارا-قورخو
گلمه‌سی، ۱۲ مینه یاخین عسگرلرینین شهید اولماسی، ۲۰۰یوزه قدر تانک سوخو و پیلوتسوز اوچوشلارین صحنه‌دن چیخماسی و روبل‌ون آشاغی دوشمه‌سی هم ده بیر چوخ موباریز چئچن سرکرده‌لرینین اوردا باش قالدیرماسی، بونلارا کارلی ثبوت‌دور
گورباچف سیلاح سورسات توپلاماقلا گوجونو ایتیردی، پوتین ایسه بونلاری داغیتماقلا.
روسییا اؤز گوجونو ثبوت ائتمه‌یه تله‌سرکن
ایشغالچی‌لیک موقعینی بیر کز داها اوکراینادا مئیدانا آتدی ،حتتی ایکی ایل قاباقدان اوینادیغی اویونلاریده بو سئناریو اوچون اویغون‌دور (قاراباغدا آذربایجانی دستک له‌مه‌یی ، ترکییه‌یه مراجیعت ائتمه‌یی_ائرمنیستانی راضیلیغا گتیرمه‌یی_ ایسراعیله دیپلماتیک داورانیش‌لاری) سن دئمه بویوک مانع‌لری (ناتو)اوچون ایمیش).
یوخسا توران بیرلیی ندیرکی بونا، قزاقیستانی چاخناشدیرا بیلیردی -آذربایجانی خانکندینده و زنگه‌زوردا آچماز قویا بیلیردی ،سن دئمه آینین اویونو توتماییب چونکو قدیم کیشی‌لر دئمیش؛
آیینین بیر آرمود اوسته یوز اویونو وار.
بو آرمود ، دئدیییم کیمی اژه دنیزی، قارا دنیز، آغ دنیز، توران بیرلییی، پوست سووئت اولکه‌لرینین غربه یونه‌لمه‌سی ،برلین، و سوندا بوتون تورپاقلاریمیش، قزاقستانا کئچمک و سونرادا اوکراینایا ،گؤستریرکی بونلار توران بیرلییی ائیدئیاسیندان سونرا باش وئریب و ائله اؤنملی‌ده بوراسیندادیر نسه!
ایندی بس نه ایچین روسییا باجارمیر و اؤزو ده آچمازدا قالیب ؟
۱- روسییا منجه توپلومو یوخا چیخاردیر (آنتروپولوژی بوجاقدان)
اؤرنه‌یین، اوردا ۳۰۰ میللت و ائتنیک گروپ یاشاییر و بؤلگه دؤلت‌لری روسییا سیلاویانلارینین عینی ائتنیک ترکیبی اولان اوکراینا سیلاویانلارینی اؤلدورمه‌سینه شاهیدلیک ائدیرلر و روسییا وطنداشی اولان و تاتارستان دا یاشایان تورکلرین اوکراینا وطنداشی اولان کریم -قیبچاق تورکلرین اؤلدورمک ایسته‌دییینی تصوور ائتمک چتین دیر.
۲-اؤز گوجونو ثبوت ائتمه‌یه چالیشیر و اونا تابع اولمایانلارا قارشی موباریزه آپاریر
۳- اؤلکه‌لره سیاسی تاپشیریق‌لار وئریر و تورپاق‌لارا یئیه‌لیک گؤزویله باخیر
۴-ائتنیک قطب‌لاشما یارادیر 《شرقی اوکراینا-غربی اوکراینا》دئمک ایسته‌ییره‌م کی، غرب‌له-شرق آراسیندا سیویلزاسیون‌لارین قیریلما خططی اؤلکه‌نین تام اورتاسیندان کئچیر، حال
اوکراینا اهالیسی‌نین بیر چوخ حصه‌سی پرو اسلاولار.
بو یانلیش یانسیتمالار و داورانیش‌لار بیر دلینین دوروب قویویا داش سالماسینا بنزه‌ر .
آذربایجانا گلدیک‌ده، رئگیوندا ایکی گوجلو دؤلت، روسییا-ترکیه ایله موتتفیق‌لیک موناسیبت‌لری قوراراق اؤز موقعینی و ایستابیللییینی یاخشی قورویوب. دؤلتیمیز و دولت‌چی‌لیییمیزین حسساس مقام‌لاریندا پوست سووئت مکانیندا آذربایجان کیمی ایکینجی بئله بیر اؤلکه یوخدور. منجه اردوغانین روسییا و ایلهامین Bmt باره‌سنده توتدوقلاری دیپلماتیک -سییاسی ایستاتوس‌لاری بو گؤرونوش‌لردن باخارساق بیر نئچه اؤنملی فاکت‌لار و رئاللیق‌لار داشیییر.
(اردوغانین روسییایا قارشی و ایلهامین bmt یه قارشی توتدوقلاری مؤوقع)
نه ایلهامین bmt ده روسییا علیهینه سانکسییالارا ایمضا آتماماسی روسون اؤنرمه‌سیدیر، نه‌ده اردوغانین اوکراینایا tb2 بایراکتار وئرمه پروسه‌لری اوروپانین اؤنرمه‌سی.
ایندی بوتون دونیا بیلیرکی ترکییه موستقیل حرکت ائدیر و موستقیل حرکته کئچیر.
ترکیه، روسییا علیهینه اولان سرت سانکسییالارا قاتیلماییب‌‌ده اوروپا و آمئرکا (۴۵) اولکه‌لری قارشیسیندا دایانیر و بو اوزدن اوکراینایا بایراکتار وئریب تجاووزکار و ایشغالچی روسییانین قارشیسینی آلماق ایسته‌ییر.
سیزه مراجیعت ائدرسم نه دئیرسینیز بونا!
بئله چیخیش‌لاریلا دونیانی و اوره‌ک‌لری فتح ائدن و قدم‌لرینی ثابیت‌لشدیرن بیر جومهور باشکان گؤردونوزمو؟ ایندی بس ندن اوروپا حقیقتن‌ده گؤرورکی نیویورک اینسانلار حوقوقو مودافع ائتمه‌یه لاییق دئییل‌دیر(bmt) و بو کاریزمانی ترکییه‌ده گؤرور، ایندی بس ندن پوتین ظن ائدیرکی تکجه بیر اؤلکه اونو فلاکت‌دن ساوونا بیلر و صولح اوچون تکجه بیر اؤلکه‌یه اۆز وورارسا اودا ترکییه‌دیر . پوتین بو بورج‌لاری اؤده‌یه بیله‌جک‌می ؟ توران بیرلییی یارانیرسا اوندا سوساجاقمی؟
قارداش آذربایجانا گلدیک ده بیلدییز کیمی ترکیه‌دن فرقلی اولاراق bmt ده روس علیهینه نه ایمضا آتیب نه سانکسییالارا کؤنوللو اولاراق قوشولوب.(کؤنوللو اولاراق قوشولماییب)
البت دئییرسیز نییه؟
دئمه‌لی‌یم‌کی،(البتته اونوتمایاق کی، اوکراینا بیرینجی قاراباغ ساواشیندا آذربایجانا یاردیم اولوب لار) آذربایجانین توتدوغو بو ایستاتوسو روسییانین اؤنرمه‌سی(تجویز)
دئییل‌دیر. بو bmt یه معنالی اولاراق، اعتیراض و عصیان خاراکتئری داشیییردی.
بو bmtنین قاراباغلا باغلی چیخارتدیغی قطنامه ایللردیر کاغیذ اۆزه‌رینده قالیب، ایندی مقصد روسییانی سوسدورماق‌دیرمی!!
هله شمالی کره‌‌نین bmt ده حوضور تاپماسینی دویاندا ، آذربایجانا چوخ حاق وئرمه‌لی اولورسان. bmt قاراباغلا باغلی ۴ قطنامه قبول ائله‌میشدی! مینسک یوزلرجه اوتور-دور ائله‌میشدی! جیرتدان ائرمنی‌نی آذربایجاندان چیخاردا بیلمه‌ین او بویدا bmt! سیزجه روسییانی کییئف’دن-اوکراینادان -خرسون’دان چیخاردا بیله‌رمی؟ یوخسا روسییا بورنو گیرمه‌دیی یئرلره‌ده حتتی باشینی سوخور بئله، قالدیکی بورنو گیردییی یئر.
بو سورغولارا معروض قالاندا bmt دیپلمات‌لاری دئییرکی: قطنامه مجبور ائتمه دئییل، بلکه توصییه خاراکتئرلی‌دیر.
آما بشرییت گؤرورکی روسییا اوکراینانین تورپاق‌لارین آلماغا نئجه‌ده مجبور ائتمه‌یی و دیکته ائتمه‌یی باجاریر .
آذربایجان آرتیق گؤردوکی، بونلارین چیخاردیغی قرار بوش شئی‌لردیر، قرار، قرار اولور، یا اوکراینایا گؤره یا داغلیق قاراباغا گؤره.
قالدی کی، آذربایجان اؤز ایگیدلری حئسابینا قاراباغی آزاد ائتدی و موستقیل خارجی سیاست یورودور.
کاپیتولاسییایا هاردا امضا آتماق لازیمدیر-هاردا دورماق لازیمدیر بیلیر بونو، ایندی خانکندی‌یه نییه گیرمه‌دیک دئین‌لر، اوروپانین گؤزو قارشیسیندا اوکراینادان درس چیخارمالیدیر.
آذربایجان دؤلتی دوشونوب ایجرا ائتدی باشقا جور اولسایدی بیر طرفدن روسییا تعزیقی ، دیگر طرفدن ایسه Abş و اووروپا سانکسییالاری تطبیق ائدیلردی.
آما اؤن یارغی‌لاری قیراغا قویورساق، اوروپا بیرلییینین و اوسته‌لیک‌له ناتونون روسییایا کسگین و سرت‌جه‌سینه سانکسیالاری داواملی اولارسا، یوواسینا گئری چکیلن روسییا اولاجاق، بو بوجاقدان باخارساق ائنئرژی ساحه‌سینده اوروپا روسییا اوزه‌ریندن قیرمیزی خط چکیر حالا،و ترکییه -آذربایجان آلتئرناتیو اولاراق،اونلارا مراجیعت ائده‌جک.
اوروپا گاز بورو کمرینه tap و هم ده آذربایجانین طبیعی گازینین ترکییه‌دن اوروپایا کئچمه‌سینه جهد گؤستریلیب، ایسراییل و میصیر قازینین‌ده ترکییه ا
منجه روسییا ترکییه‌یه یئنه‌ده مراجیعت ائده‌جک و بو ایشه علاجسیز قالاجاق.
هله‌لیک گؤرونن بودور، بیر طرفدن جانلی ایتگی‌لر، بیر طرف‌دن‌ده گووندییی سیلاح‌لار
غرب سیلاح‌لارینین قاباغیندا فونکسییاسینی ایتیریب،بیر طرف‌دنسه پوتین باشینی ایتیریب
و اوردوسونون نه‌قدر ضعیف اولدوغو اوزه چیخیب. منجه او
۱-موجود رئاللیق
۲-رئال رئاللیق
۳-و ایسته‌نیلن رئاللیق‌لارین آراسیندا نه ائده‌جه‌یینی بیلمیر و دیکتاتورلار بعضن بئله بیر دوروما دوشورلار بو قاریشقالارین اؤلوم سارمالینا دوشدویو کیمی بیر اولای‌دیر.
هله قالدیکی، آمئرگا استینگراد، و جاولین آلمانییانین ۲۷۰۰ زئنت-راکئت کمپلکسی، ترکییه tb2 بایراکتار
و بریتانییا آنتی تانک راکئت‌لر، مولداوی مولوتوف کوکتئلی وئرسین بو اؤلوم سارمالینا دوشن روسییانین علیهینه…
تاریخ اوکراینانین روسییایا قارشی نئجه دیرندییینی یازاجاق …
تانری گؤیدن باخیر یالنیز بو موحاریبه‌یه!
صیاد نعمت
