میللی روحون اورمو گؤلوله باغلی فلسفه سی
سلاملار و سایغیلار بوتون یولداشلارا
اؤنجه بوتون دوستلاردان کی اورمو گؤلونون حاققیندا دانیشیب، قونولاری آچیخلاییبلار تشککورلریمی بیلدیریب، باشقا باخیمدان بو قونویا توخونماق ایستهییرم.
اَن اؤنملی قونو کی ایللردیر آزربایجانی کؤکدن داغیتماق آماجیایله تئوریزه اولونور، بوردا اولان سؤز قونوموزدور.یاشامین اصلی عنصرلاریندان اوچونو آد آپاریب و اؤنلارین اؤزرینده سؤزلریم دوام ائدهجک.
انسان،جغرافیا و اندیشه…
بللیدیر کی اینسان بو اوچ عنصرون اؤنجهلیکلریندندیر کی یاشادیغی یئره آنلام باغیشلایاراق، ها بئله جفرافیانین باغلیلیغیندا اونونلا ایلگیلهنیر.بونو دوشنمهلیییک اینسان تک باشینا کولتورللری یارادا بیلمز، و بو طبیعت و انسانین آراسیندا اولان ایلگیلردیر کی کولتورلرین اولوشدورماغینا سبب اولور.
سونرا دیل یارانیر، و بیر دیلده دانیشان اینسانلار بیر جغرافیانین صاحیبی اولوب، وطن آدلی بیر یئرده یاشاییرلار.
ایندیایسه بو ایکی عنصر(دیل و جغرافیا)تاپدالانیب، آرادان گئتمکده دیر.
آسیمیلاسیون پروسهسی ایللردیر بو قونونون گرچکلیغین گؤستریر.
ایندی جغرافیا باخیمیندان قونونو آچیقلاماق ایستهسک، اورمو گؤلونون قورودولماق پروسهسی، اون ایلدن آرتیقدیر آزربایجان میلتین چتین دوروملارا سالاراق، چوخ اینسانلارین کؤچمهیینه سببدیر، آزربایجان خالقینین ساواش روحو ،کئچمیش اؤزریندن بو جغرافیا باغلیلیغینین سونوجودور.
بوگون اورمو گؤلونون قورماغیندان بو اقلیم دییشیلمکده دیر، و بوجغرافیادا یاشایان خالقین، طبیعتله اولان ایلگیسی ساغالماز بیر دوروما دوغرو گئدیر.
( اقتصادی دوروملارینین اشاغا سویهلره ائنمک اوزرینده، انسانلار وارلیقلاریندان ال اوزمکدهدیلر)
سونوندا اوچونچو عنصر اندیشهدیر کی دیلدن تؤرهنیر.
دوشونجهلر، تئوریلر، وطن، اینسانلار، اورانین جغرافیاسیندان اؤترو یارانیر، ها بئله بیلمهلیییک، بو اوچ عنصرون یارانیب، گلیشدیرمهیینه یول آچان میللی روحدیر.
بیزلرده آزربایجان میللی حرکتینین چالیشانلاری اولاراق، بیرلیگیمیز له میللی روحو دیری ساخلاییب، گلهجک نسللره تاپشیرمالیییق.
نئجهکی اینسانسیز یاشادیغی جغرافیا آنلام تاپماز، توپراقسیز اندیشهلر تؤرنمز، و میللی روح اولمایان ئیرده، بونلار بیر بیرین بوتونلشدیره بیلمزلر و ائله دیر کی کئچمیش، کولتور و کیملیک داها اؤنمسیزلهشر.
دیلهییمیز دیر آزربایجانین باشی اوجا خالقی میللی روحون ایاق اوسته ساخلایاراق، ال اله وئریب دایانمادان وارلیغلارین قوروسونلار.
