۱۳۸۵ -نجی ایل خرداد آینین حماسه سی
یوز ایله یاخیندیر ایران آدلانان اؤلکه نین چوخونلوغو اولان تورک میللتی، نژاد پرست پارس دولتی واسطهسیله دؤزولمز تحقیرلره معروض قالیب؛ آجییب، قیزاریب، بوزاریب؛ نهدنلرینی دوشوننلرین آجیدان اورکلری دؤیونوب… دوشونمهینلر ایسه آجی گولومسهمکله توجیه ائتمه یه چالشیبلار!
آنجاقکی پلانلاشمیش تحقیرلر داوام ائدیب و هله ده داوام ائدیر. گئرچکدن بو فاشیستلر نهدن بو قدر آنتی تورکدولر؟ آچیق باخاندا تورکلر بو مملکتده بیر اسیر کیمی یاشاییر؛ سانکی تورپاق ایشغال اولوب و ایشغالچی نئچه ساحه ده آنتی تورک عملییاتلارینا کئچیبلر. اؤرنکاؤلاراق: آلداتماق؛ بوتون رسانه و فرهنگی اجتماعی ایمکانلاری تورکلردن آلیب؛ آنتی گونیزاسیون یعنی تاریخی تحریف ائتمکله، بیر میللتی کئچمیشینه پیس باخدیرماقا چالیشدیلا. الیناسیون لا آسیمیلاسیون یعنی تحقیر ائتمکله؛ رسانه لرده فیلیملرده تورکلری پیس گؤسترمکله، ائلهجه ده مختلف حیله لرله بیر میللتین کیملیگینی پیس تانیتدیریب؛ اؤزوندن یادیرغالاتماغا چالیشیبلار. بو قونودا دیلیمیزده یازیب اوخوماغی یاساق ائتمکله، فرهنگ مدنیتیمیزین باشی اولان دیلیمیزی آرادان آپارماغا چالیشدیلار؛ اقتصادی عدالتسیزلیکلرله جاماعاتیمیزی ایشسیزلیک آجلیق تهلوکه سینه سالماقلا، چؤرک آرخاسینجا جلای وطن ائدیب؛ آسمیله ائتمه یه ایمکان یاراتدیلار. آزربایجان آدین بیر سیرا آزربایجان تورپاقلاریندان سیلمکله اصل هویتیمیزی آرادان آپارماغا تشبث ائتدیلر. ائرمنیلرله بیر لشیب؛ بیزیم شمالی قارداشلاریمیزا دیوان دوتدولار. بلی، فارس شئونیزمی بوتون آزربایجان میللتینی محو ائتمه یه قیام ائتدی! بو آرادا ظولمه قارشی سسین چیخاردانلارا دا پان تورک؛ تجزیه طلب و اخلالگر آدی قویدو. منجه پان ایرانیستلر واسطهسیله آزربایجانا قارشی دوتولان دیوان، بشریت تاریخینده نه گؤرونوب، نه ده گؤرونهجک. ایندی فرض ائدک کی، پان ایرانیست آنتی اسلام اولان فراماسونلارین دستورون اجرا ائدیر. بیزیم ایچیمیزدن اونلارا اولان قوللوقچولار آدلارین نه قویورلار؟ ناموسلاری اولان دیللرین؛ شرفلری اولان وطنلرین؛ غیرتلری اولان میللتلرین کیمه و نه یه ساتیرلار؟! یا خود روبات اولوبلار؟ ۸۵ – ینجی ایل تورک دوشمانلاری نژادپرستلیکده داهادا ایرهلی گئدیب؛ بیر میلیاردا یاخین مسلمان تورکه آداملیقدان اوزاق بیر اهانت ائتدیلر! آنجاق تورک میللتی دؤزلمز بیر دورومدا ائله عصیانا قاخدیلار بوتون نژاد پرستلرین اورکلرین اسدیریب؛ بیزدن بئجرتدیکلری قوللوقچولارین ائله قورخویا سالدیلار کی، داوام ائتسهیدی، شاید بوتونو آزربایجانی ترک ائدیب؛ آتا بابالارینین قاتیلی اولان اربابلارینا سیغانایدیلار! حال بوتون بونلا ی خاطیرلادیق ۸۵ -ینجی ایلده گیزلی مدیریت اولانلار واسطه سیله (ضد حزب حرکتلر) ائتمه سیدیلر! آزربایجاندا قورولان حیزبی داغیتماغا پان ایرانیستلردن داها آرتیق چالیشماسایدیلار! (۸۳-ده رحمتلیک نصیریانین «گۆنش پارتیاسینین موسسی» قید اولان اعلامیه سین دووارلاردان قوپارتدیران ضد آزربایجان آزربایجانچیلارا دئیرم): حرکت حزب برنامهسیله اولسایدی؛ آیا نه ایش گؤرمک اولمازدی. دئمک آزربایجان دوشمانلاری اولان پان ایرانیست فراماسونلار تک دگیرلر! بلکه شهرت بازلارلا قدرت پرستلر ده، اونلارلا برابر آزربایجانا قارشی چالیشیرلار. هر حالدا ۸۵-ده ، ائلهجه ده آیری زامانلار تورکه اؤزللیکله آزربایجانا قارشی اولونان تحقیرلری محکوم ائدهرک بیر داها فعاللاری حزبی حرکته چاغیریب و بیر سسه بیر یوموروغا دؤنمکلرین رجا ائدیرم. یوخسا آزادلیقا چاتماق ایمکانسیز اولاجاقدیر. یاشاسین جمعی فیکیر؛ جمعی حرک، یاشاسین آزربایجان.
عقیل آذرخت -موللاباشی/ اردبیل