آزربایجان ندن ایراندا گئدن اعتراضلارا قوشولمور؟
ایران جغرافیاسیندا کوتله آراسیندا بئله بیر دوشونجه وار دیر کی هر هانسی اعتراض و آکسیایا آزربایجان و اؤزلیکله تبریز شهری قوشولسا او حرکت یاخجی سونوج و غلبیه ال تاپاجاق دیر. و عکس حالدا تبریز و آزربایجان هر بیر حرکته فاتیلماسا، او حرکتین سونوجا چاتما شانسی آز اولاجاق دیر.
کئچن یاخین ایللرده ایراندا چوخلو اعتراضلار اوز وئریبدیر آنجاق آزربایجان میللتی او اعتراضلارا یئترلی اولاراق قاتیلماییب دیر و سسیزلیک و قاتیلماماق سیاستینی سئچیبدیر.
بو مسئلهنین ندنینی آراشدیرینجا دهیرلی سونوجلار اله گلیر.
اسلامی اینقلابین ظفره چاتماسیندا و سگگیز ایللیک ساواش بویو اونو قورویوب ساخلاماغدا، تورکلر چوخلو شهید، یارالی، ایتگین وئریب و آغیر هزینهلرله ایگیدلیک ائدیبدیر آنجاق اینقلابین یارانماسیندا دانیلماز و بؤيوک رولو اولان تورکون همن اینقلاب سوفرهسیندن پایی اولماییب و آنتی تورک سیاستی عینی پهلوی دؤنمی کیمین دوامی اولوبدور و قان و جان بهاسیلا فداکارلیق ائدن تورک، فارس شئونیزمی وریندن چوخلو تحقیر، توهین و آلچادیجی توتوملارا معروض قالیبدیر بو توهین، تحقیر و تبعیضلر تورک میلتینده درین یارالار یارادیبدیر کی اونون ساغالماسی چوخ چتین بلکهده امکانسیز اولا بیلیر.
دموکراسی و برابرلیک اومودیلا اینقلابدا اشتراک ائدن تورک میللتی، فارس نژادپرستلیگیندن تؤرهنن شئونیستی توتوملار، توهین و تحقیرلر و هابئله کئچمیشی و کولتورونون دانیلیب تاپدالانماسی باعث اولدو بوندان بئله سیاسی گئدیشاتیندا و توتوموندا کئچمیشدن فرقلی بیر سیاسی توتوم اؤزونه سئچسین.
۱۳۸۵ اینجی ایلده حاکمیته باغلی اولان ایران آدلی گوندهلیگین تورکلره ائتدیکی اهانت سببیله اعتراضا چیخیب، یارالی و شهید وئرن آزربایجان هئچ بیر فارس و ایرانلی تشکیلات و توپلوم طرفیندن بیر حمایت گؤرمهدی کیمسه اهانت ائدن قورومی و حاکمیتین اعتراضچیلارا قارشی توتدوغو سرکوب و زوراکیلیک توتومونا قارشی اعتراض ائتمهدیلر دئمک ایلک لاقید قالما و قاتیلماماق بو زامان فارسلار طرفیندن یاراندی و سونرالار ایران چارچیوهسینده باش وئرن اعتراضلارا آزربایجاندا قاتیلمادی.
بیرده ایران اوپوزوسیون قروملاری عینا ایران حاکمیتی کیمین تورکلرین قانونجا ایستهکلرینه مثبت باخیشلاری یوخدور حاکمیت مخالیفلری سلطنت طلب شاهچیلاردان توتدو تا اصلاحطلب جبههسی آزربایجانا و تورک میلتینین مدنی ایستهکلرینه اؤنم وئرمهییب بعضا قارشی توتوملاریدا اولور بودا اونلارین دموکراسی ضعفی و نژادپرستلیک توتوموندان آسیلی اولور.
تورکلر ایسه دموکراسی قونوسوندا نئچه آددیم فارسلاران اؤندهدیلر دموکراسی اساسیندا ایران چرچیوهسینده اولان باشقا میللتلرین ایستهکلرینه و حقوقلارینا دهییر وئریب و نژادپرستلیکدن قیراق بوتون میللتلرین آربا و برابر اولماسین ایستهییرلر.
دئمک بئله سونوج آلماق اولارکی پان فارسلارین نژادپرستلیک دوشونجهسی و اؤزلرین باش قوم و میللت سایان و باشقا میللتلرین حاقلارینی تاپدالاییب و دانماغی باعث اولوبدور تورکلر باش وئرن اعتراضلاردا اونلارا قاتیلماییب و اؤز دردلرینین درمانینی تاپماغا مناسب زامان بلکلنتیسینده گلهجگه آرزی و اومودلا گؤز تیکهلر
و ایران اوپوزیسیونی اگر مبارزه یولوندا تورکلرله بیرلیکده اولماقی ایستییرسه گرک اؤز توتوموندا اساسی دهییشیکلره اَل ووروب و اؤنجه دموکراسی و دموکراتیک اولماقی اؤز ایچینده مشق ائلهسین و بوتون میللتلرین ایستهکلرینه و حاقلارینا حؤرمتله یاناشیب و اؤز ایچینده اولان نژادپرستلیگه قیرمیزی قلم چکسین نییه کی بیرلیک، برابرلیکدن یارانیر.
اهداف گروه خبری آذتورک خبرلری چیست؟
سرزمین آذربایجان همواره مورد چپاول رژیم جمهوری اسلامی و رژیم پهلوی قرار گرفته و منابع آن توسط هر دو رژیم به یغما برده شده است. با اینکه تورک ها خدمات بی پایانی به ایران کرده اند اما هم جمهوری اسلامی و هم رژیم پهلوی ملت تورک را به دلیل خواسته های مشروعشان بارها سرکوب کرده اند و این سرکوب ها همچنان ادامه دارد.
سایت آذتورک خبرلری به این تبعیض ها و سرکوب ها می پردازد و اخبار فعالین مدنی و حقوق بشری و مدافعان آزادی و دموکراسی ملت تورک که در رسانه ها و سایتهای دیگر کمتر به آنها اهمیت داده می شود را پوشش می دهد.
سرزمین آذربایجان متعلق به ملت آذربایجان است و سرنوشت آذربایجان را ملت آذربایجان تعیین خواهد کرد. حق تعیین سرنوشت از ارکان اساسی ملت هاست و آذربایجان هم از این قاعده مستثنی نیست.
این سایت و گردانندگانش به هیچ سازمان سیاسی و غیرسیاسی وابسته نیستند. از شما خواهشمندیم که در معرفی این سایت خبری ما را یاری نمایید و در ارسال فیلم و اخبار به ما کمک نمایید.