آلا سوزجویو باشقا بیر سوزجوکله گلنده، اونا کومکچی اولاراق آنلام تاپیر. البتده آلا سوزجویو تک گلنده شماتت آنلامیندا گلیر. بو اساسدا بیری یانلیش ایش گورنده دئیرلر آلا باشینا و یا آلا باشینا کول باشینا
آلا توکمک: الی و یا بدنی آلا توکوب. بوردا آنلام پیس و برص آنلامینی یئتیریر. حقیقی معنادا داغینیق و پراکنده و سپینتی آنلامینی یئتیریر. آلا توکمک اصلینده بیر جیلدی مریض لیکدیر.
آلا بولا: رنگ آنلامینی یئتیریر
آلا چاتی: ایلان ووران آلا چاتی دان قورخار( آتالار سوزو )
آلا ایت : بیر نوع ایت
قیرمیزی آلا، ساری آلا، گووآلا، قارا آلا، و…: رنگ آنلاملی
آلا ایمان: ایماندان سست اولان آدام
آلا مذهب: مذهبدن سست اولان آدام
آلا بزه ک: ناقص و یئتری قدر بزه نیلمه ین بیر گلین و باشقا شئی
داغ آلا گئتدی، یول آلا گئتدی، چپ آلا گئتدی: چارپاز، مورب و جهت آنلامیندا اولور
آلا باشینا کول باشینا ائله مک: حیف و میل ائله مک، تحقیر
آلا قوز: جاسوس، خبرچین
آلا قارغا: بیر نوع قارغا
آلا باش: ایت آدی
آلا قانات : بیر نوع قوش آدی، بو قوشون بدنی گوو و قانادلاری آغ رنگده اولار
آلا باتداق: قوش آدی
آلا پاختا: قوش آدی
آلا بوغاز: میشوول
آلا چالپو: سویوق و قارلی هاوا
آلا تورانقی: آلا توران، سحر چاغی یاواش _ یاواش هاوا ایشیغلاناندا دئیرلر هاوا توران وورموشدور یولا چیخدیق
آلا قارانلیق: یاواش یاواش هاوا قارانلیغا چالیر
آلالاماق: داغیتماق، پراکنده ائله مک
آلا _ آلا یئری بیچمک:
آلا گوز: شهلایی گوز
آلا نم: یاری قورو و یاری نم
آلا داغ : تبریزه یاخین داغ آدی، آلاداغدان قاراداغدان دانیشیر( آتالار سوزو )
آلا پیشمیش : یاری پیشمیش
آلاجا : جئیران آدی، تزیینی بیر پاپاق آدی
آلادین: والور
آلاچیق: اوبا
آلا پورتدم : یاری پیشمیش
آلا وئرمک : شماتت وئرمک، دانلاماق
آلا یئر: یاری اکیلی و یاری بویاز یئر
آلا سوزجویو باشقا بیر سوزجوکله گلنده، اونا کومکچی اولاراق آنلام تاپیر. البتده آلا سوزجویو تک گلنده شماتت آنلامیندا گلیر. بو اساسدا بیری یانلیش ایش گورنده دئیرلر آلا باشینا و یا آلا باشینا کول باشینا
رحیم غلامی