دونیا شؤهرتلی #ادبیات تنقیدچی، شاعیر و یازار، رضا براهنی، هشتاد آلتی یاشیندا، کانادانین تورنتو شهرینده حایاتینا سون قویدو. ایگیرمیآلتی ایل بوندان اؤنجه ایراندان کؤچَن براهنی، میناوچیوزاوندؤردون آذر آیینین ایگیرمیبیرینده تبریزده دونیایا گؤز آچمیشدی.
عائیلهسینین یوخسول اولدوغونا گؤره ایلک صینیفدن دیپلوما کیمی آراسیرا ایشلهمک مجبوریتینده ده اولوردو. #تبریز یونیوئرسیتهسینده انگلیسجه دیلی اوزره لیسانس آلدیقدان سونرا تورکیهیه گئدیب دکترا مقطعینه کیمی تحصیل آلیب ایرانا قاییدیر. ایراندا یئتمیشینجی اون ایللر ده مختلف کارگاهلار قوروب و چوخلو اؤیرنجیلر یئتیشدیریر. بیر اؤیرنجیلر کی یئتمیشینجی اون ایللییین ادبی جریانلارین یارادیرلار. او جوملهدن: شیوا ارسطویی، هوشیار انصاریفر، شمس آقاجانی، روزبه حسینی، عباس حبیبی بدرآبادی، مهسا محبعلی، سیدعلیرضا میرعلینقی، فرخنده حاجی زاده، ناهید توسلی، ایرنا محیالدین بناب، رؤیا تفتی، رزا جمالی، احمد نادعلی، رضا شمسی، علی ربیعی وزیری، پیمان سلطانی و… کیمیلر.
اللیبیر ایل بوندان اؤنجه آمریکایا تدریس اوچون گئدیر. همن ایللرده اوچ آی مدتتینده ساواک دوستاغیندا شیکنجه آلتیندا قالیر. پروفسور براهنینین حایات یولداشی #ساناز_صحتی، اوشاقلاری ایسه: #الکا_براهنی، #اکتای_براهنی، #ارسلان_براهنیدیرلر.
دوکتور براهنی مختلف مصاحبهلر و دانیشیقلاردا #آنا_دیلینده اثر یاراتماماغی اوچون چوخ حسرت چکدییینی بیلدیریب، عؤمرونون سون اونایللیکلرینده آنادیلینه اؤزل قایغی و سئوگی بسلهمیشدیر.
براهنینین #آنادیلی حاققیندا #علیرضا_غلامی ایله مهرنامه درگیسینین اوتوزسکگیزینجی ساییسینداکی دانیشیقلاریندان:
«دفاع از زبانهای مردم ایران ضرورت است و هرگز به معنای تجزیهطلبی نیست. اصلا ربطی ندارد. مرز یک موضوع سیاسی و تاریخی است و حتی مذهب و زبان که بسیار مهم هستند مرزها را نمیسازند و کشور به وجود نمیآورند. مگر در آمریکا یا کانادا که حتی چند زبان رسمی وجود دارد موضوع تجزیه مطرح است؟
…وقتی جمعیت کثیری به یک #زبان_مادری حرف میزنند، حق دارند که زبانشان را یاد بگیرند و به فرزندانشان بیاموزند و به آن زبان شعر و قصه بگویند و در دانشگاههایشان تدریس کنند.»
براهنینین یاراتدیغی شعرلر، رُمانلار و ادبی تنقیدلردن بونلاری آد آپارا بیلهریک:
آهوان باغ (۱۳۴۱)، جنگل و شهر (۱۳۴۳)، شبی از نیمروز (۱۳۴۴)، مصیبتی زیر آفتاب (۱۳۴۹)، گل بر گسترده ماه (۱۳۴۹)، ظل الله (۱۳۵۸)، نقابها و بندها (انگلیسی) (۱۳۵۶)، غمهای بزرگ (۱۳۶۳)، بیا کنار پنجره (۱۳۶۷)، خطاب به پروانهها و چرا من دیگر شاعر نیمایی نیستم؟ (۱۳۷۴)، اسماعیل (۱۳۶۶)
رمان:
آواز کشتگان، رازهای سرزمین من،آزاده خانم و نویسندهاش، ناشر: انتشارات کاروان، الیاس در نیویورک، روزگار دوزخی آقای ایاز، چاه به چاه، بعد از عروسی چه گذشت
نقد ادبی:
طلا در مس، قصهنویسی، کیمیا و خاک، تاریخ مذکر، در انقلاب ایران، خطاب به پروانهها و چرا من دیگر شاعر نیمایی نیستم
ایلقار موذنزاده