بو محاربهلر و میتینقلر ایلینده واحد اداره ائتمه هاردا وارسا، دیکتاتور دا اوردادیر. روس توپلومو یوخا چیخاریر. بئله دوشونولورکی اوردا ایچَرینی قاتان روسدور دئمک.
روسیه هانسی اؤلکهلردن و هانسی قوروملاردان تهلوکه حسّ ائدیبسه، توپلومو و دیگر بؤلگهلری تهلوکهیه سالیر. گوجلو ناتو اوکراینانی اله آلارسا، روسیه ایله بیر باشا سرحدده اولاجاق و بو دا اونون «قارا دنیزه» اولان ماراقلارینین ضیددینهدیر. بونا گؤره بؤیوک قورخو یارادیر.
اؤلکهنی ایچریدن چاخناشدیریر.
گرجستاندا – آذربایجاندا – قزاقستاندا ائتدییی کیمی، اوکراینادا دا بئله ائدیر.
۱- دونتسک و لوهانسکی جمهوریتلرینی دستکلَییر.
۲- آمریکایا یاخینلاشیر. نییه؟…
بونلار گیزلی هدفلریندندیر. بیر زامانلاردا «اسلام فوبیا و توران فوبیا تئزلریله آمریکایا یاخینلاشیب و اونو نسه اویناداجیغینی ظن ائدیر»
بو گرگینلیک داوام ائتدیکجه روسیه چوخ شئی ایتیرهجک. دلار اوردا ۸۰ روبل اولوب یعنی کی ۲۰ فاییز (هله محاربه باشلامامیش) پولونون ارزشی جهانی بازارلاردان آشاغی دوشموش. اوروپا بیرلییی ایلده ۱۰۷ تریلیون دلار الده ائدیرسه؛ روسیه ۴۵ تریلیون دلار الده ائده بیلیر.
– پوتین اوکراینانین اراضی بوتؤولویونه حؤرمتله یاناشماغینی (قاراباغ کیمی) اؤیرهنهجک. بو گرگینلیک ائله اونون اؤزوچون ده یاخشی نتیجهلنمهیهجک. و بونو پوتین یاخشی بیلیر. یوخسا محاربه ائتمک فیکری اولسایدی چوخدان ائدردی. بونلار سادهجه محاربه قورخوسویلا دؤلتلری اؤزوندن آسیلی ائتمک ایستهییرلر.
اونسوزدا آرادا ژاپن- ترکیه -ناتو (۳۰ اؤلکه )- آمریکا فاکتورو واردیر. بو استراتژیلرده نظره گلیرکی روسیه یاریم عصیر قالمیش عمله کئچیر. روسیهنین بیر رقیبی واردیرسا اودا آمریکادیر؛ و آمریکانین نفعینه حرکته کئچمز. ۱۹۹۳ ده مجارستان -لهستان _چک روسیهنین ماراقلارینین اویونونا گلمهییب ناتویا قوشولماقلارینی وورغولادیلار. اوکراینا دا بئله بیر قرارا گلدی!
روسیهایله -اوکراینانین آراسیندا باش وئرن قالماقال «کریمه» سببیندندیرمی؟ یوخسا اوکراینانین Natoya یاخینلاشماغیندانمی؟ یوخسا روسیهنین دئدیییم کیمی بیر باش گیزلین هدفلری واردیر؟
روسیه، اوکراینادا(کیف شهرینده) نفوذ صاحبیدیر. او شهرده کیچیک بیزنئس صاحبلرینه ائله بیر قیمت قویوبلارکی، اونلار هئچ واخت او یوکون آلتیندان قالخا بیلمیرلر. یالنیز اورادا بیر شئی ماراقلیدیر؛ طلبلر روس دیلینده دئییلیر. دئمک اورایا کئچمهیی باجارمیشلار.
بو پلانلار بیر تهر { تورکیهنی و قارا دنیزی} هدف آلیر! بو همن گیزلی هدفلریدیر.
بو اساسدا، اوکراینانی پارچالاماق فیکریندهدیر: باتی و دوغویا بؤلمکله، بئله اولارسا مولداوییه- لهستانا- قارا دنیزه- تورکیهیه و اوردان آغ دنیزه دوغرو ایرهلیلهیهجک. سونرا توران بیرلییی نه بیله قارشی دورماغی باجاراجاق. بو رئاکسیانی یاریم عصر قاباقجادان گؤرمهیینی دوشونور بئله اولارسا توران بیرلییین دیگر بؤلگهلر کیمی اؤزوندن آسیلی ساخلایاجاق.
بوردا یالنیز و یالنیز {تورکیه } و توران بیرلییی تشکیلاتی چالیشان قوّهلرین گیزلی هدفلرینین توققوشماسی یئر اولاراق اؤزل رولو وار.
بو ایستاتوسدا گرجستان -لهستان یاخشی مؤقع توتوب. گرجستان:(-۲۰۰۸ ده روسیه، گرجستانا گیریب) اوکراینایا دستک وئریب. ایندیکی ایستاتوسدا اوکراینادا بیزه دیل- مدنیّتده یاخیندی. او اؤلکه تورک دؤلتلری تشکیلاتی میسیاسینا رسمی مراجعت ائدیبدیر. اوراسییا بیزیم وطنیمیزدیر. بیزیم گؤبهییمیز اوردا کسیلیبدیر. محض ائله بونا گؤره حاضیرکی تاریخی مرحلهلرده، بو پراکسیسلری دقّتله ایزلهمهلیییک.
اوکراینا بیرینجی قاراباغ محاربهسینده بیزه یاردیمجی اولوب نسه طالعی کریمهنین-دونباسین -قاراباغین طالعینه بنزهییر. اورا قبچاق تورکلرین ایلک یاشادیقلاری یئردیر.
اوکراینانی آیری بیر اؤلکه کیمی «لنین» یاراتدی و اونا کراین سؤزوندن یارانان کنار اؤلکه معناسینی وئردی.
رسمی تورک شوراسی تشکیلاتی، کنوانسیونو امضالانماقلا روسیه باشینی ایتیریب و قورخوسودا ائله محض بوردان ایرهلی گلیر. وورغولادیغیم «گیزلی هدفلرینی» بوردا یئریتمک ایستهییر.
بو قونومدا اوکراینانی پارچالایا بیلسه؛ قارا دنیزه قدر و اوردان آغ دنیزه قدر سورونسه – قیرقیزیستانی تاجیکلرله دؤیوشدوره بیلسه- قزاقیستانی و بئله بئله ایشلریله توران بیرلییینه انگل یارادا بیلهجهیینی اومید ائدیر. روسیه تحلیلچیلری گ- اوروپا مئدیاسی- B.B.c تحلیللرینده بو دَیَرلی پارادایملاری وورغولاماییرلار؛ چونکی بونون عکسینه اولارسا تورانچیلیک ایدئیاسی گئنیشلَنه بیلر. تحلیللری آراشدیرسانیز روسیهنین آچیق هدفلریندن دئییرلر.
روسیه اوکراینادا بئله ائدیر- ائله ائدیر نسه فیلان بؤلگه قوشونلارینی بلاروسدان گئری چاغیریب…
گرگینلیک وار، روسیه روبلونون قیمتی آشاغی دوشوب و… ائله بورا قدر آما (اؤزللیکله تورکیه- توران تشکیلاتی) روسیهنین بو «گیزلی هدفلرینی» دقّتله ایزلهمهلی و دقّتلی داورانمالیدیر. من بو گیزلی هدفلردن، تاریخی فاکتلار و اؤرنکلر گتیریرم.
روسیهنین بیر اؤلکهیه کئچمهسی اونون گیزلی هدفلرینه جهد گؤسترمهسیله ایلگیلیدیر.
۱-میخائیل رومانوف (؟) ایلده سوئدله معاهده باغلاماقلا «نوگورودو» آلدی و بئلهلیکله اوردان اوکراینانی هر تورلو توزاغا سالدی.
۲-اوکراینادا قبچاقلار- قازاقلار ساکین ایدی، پولشا و اوکراین قارشی دورماسیندا، روسیه (آلکسی تزارین ) رهبرلیییله اوکراینایا یاردیم ائتمک اوچون اوردوسون یئرلَشدیریب اؤز ترکیبینه قاتیر و کیِف الدن گئدیر. سونرالار اورداکی قازاق تورکلرینین ترکیبین دَییشیب چوخلارین ایش اوچون (کار اجباری ) سیبئرییایا
یوللاییرلار (خصوصاً لنین و استالین زامانی)
و بئلهلیکله قازاقلاری تاتارلارین علیهینه قالدیریرلار.
۳- ۱۶۶۷ ده قازاق بؤلگهلرینین چوخو روسیه ترکیبینده قالیر (تاتارلارلا -قازاق لار )گوجسوز اولاراق.
۴- روسیه سیبئرییانی ترکیبینه قاتیر
۵- کریمه محاربهسینده، (۱۸۴۹) نیکلای مجاردا شورش ائدنلره (هون تورکلریدیر) سالدیریر. سونرا دا مولداوییه- والاسا سالدیریر.
نه بهانهسیله؟ مسیحیلری عثمانیلرین ظولموندن قوروماق هدفیایله و دونیایا بو هدفینی باغیرماق و چیغیرماقلا (آشکار هدفلری ) آما گیزلین هدفلری نهایدی قارا دنیزه یول تاپماق و اوردان آغ دنیزه، بو «شوم اوراسییاچیلییی» هدفی اوزه چیخدیقدا، بریتانیا- فرانسه- اتریش- روسلارلا محاربه ائدیب اونلاری قارا دنیز اطرافیندان گئری چکیرلر.
۶.روسیهنین تاریخی کئچمیشنه و مختلف گؤرونوشلردن باخیرساق، تزارلار- بلشویکلر- کمونیست اؤندرلری یاخشی تاریخ یاخشی دؤنم خالقا یاشاتمامیشلار .اسکی دؤروده اسکی تزارلار- اورتا دؤروده (۱۶ -۱۷ ینجی عصیرده) اورتا تزاریسم و ۲۱-جی عصره قدر ده چاغداش تزاریسم اولاراق داوام ائدیر.《خروشچف 》۱۹۶۰ شوروی تانکلاری مجارلارا- شرقی آلمانا- چکسلواکییا آزاد توپلوم ایستهمکلری اوچون بونلارا سالدیریر.
– پترزبورگدا و کیِفده باشلانان «دکابریست»لرین آزادلیغا دوغرو قیاملاری سرکوب اولونور
– ک.گ.ب و یا چگا شخص《لنین 》حؤکومتینده و اونون یاراتدیغی بلشویک سیستئمینده اولوشور. بلشویکین اکینچیلر -کارگرلر -قازاق لار-تاتارلار و چوخ بؤلگهلرده تؤرَتدییی ظولوملار و فاشیستی -تزاریستی داورانیشلاری حدّیندن آرتیق اولوب
_۱۹۳۰ دا قدار و قان تؤکن استالین بوندان آرتیق اؤز خالقینا و اؤز ترکیبنده ساخلادیغی اؤلکهلره
ظولم ائتدییی، سوسیالیسمی (سوسیالیسم گئرچکلییینی) -کمونیسم قوانینلرینی سرتجهسینه حیاتا کئچیردی. خالقی آجلیق و قحطلیکله اوز به اوز ائلهدی.
بودا روسیهنین ایچ اۆزو…
صیاد نعمت