بیز ایرانلی لارین سؤزﯙ و عَمَلی
✍️: بیز ایران خالقی اولاراق چوخوموزون اینسانی دوشونجه میز یوخدور. بیزلر هر مساله نی و هرشئیی پوللا چؤزَمَگ ایستَهییریک. بیز ایرانلی لار پولو و چوخ پوللو اولانی داها چوخ-چوخ سئویب و هر دایم اونلارا سایغیلاریمیزی گؤستَهریریک.
✍️:بیز ایرانلی لار اؤز عائله میزی و اوشاقلاریمیزین ساغلاملیغینی پولا گؤره چالیشا چکیب و حتی آللاه و ایماملار و دینی دوشونجه و اینانجلاریمیزی دا پولا گؤره ایستَهییریک. ساغالارسا 5یوزمین تومن نذیر وئرهجه یم دئیَریک. بیز ایرانلی لارین چوخونون تعریفی “نذر ائتمک دن”، گؤی ایله تکلیف و یا ایمامزادَلَره هَمَن روشوَت وئرمَکدیر.
✍️:بیزلر ایمامزاده لرین قبری نین اطرافینه پول آتیب و نذریمیزی اؤدَمینه قَدَر، قبول اولماغینی اینانماق. بیر سیرامیز دا داها چوخ دوست صاحیب اولماق ایستَرسک ده، اؤزوموزو زنگینلشدیریب و یوکسک مُدلّی اتومبیل سورَریک کی باشقالاری دا بیزه عاشیق اولسون!
✍️: بیز ایرانلی لار مجلیسده اوتوراندا ماشینیمیزین، ائویمیزین تَزه قیمتینی سوروشاریق کی هم ماشین همی ده ائو آلماق فیکری بیزده ده وار! بونا باخمایاراق کی ائویمیز اولدوغونا گؤره بو ایشی گورمهیَجَهییَک، چونکو بیز ایرانلای لار چوخلاریمیر ائوجیل آلیش-وئریشچی ییک.
✍️: بیزلر قیزیل ساخلاییب، دولار آلیب و یا بانک حسابلاری میزین منفعتی نی آرتیرماغی چوخ-چوخ سئویریک. اونا گؤره ده هر گون سحر، گون اورتا و آخشام اوچ نوبه ائیله آلتین و قیزیل و دولار قیمتی نی ایزلَه ییریک. چونکو بیز ایرانلی لار پوللاریمیزا و قیزیل لاریمیزا گؤره هر دایم راحاتسیزلیق چکیریک.
✍️: بیز ایران خالقی اولاراق، چوخلاریمیز ” اینسانی حیاتی نه دیر ؟” بیلمهیبب و بیلمَک. بیزلر اینانمیراق کی هر کس اؤز گَلیرینه گؤره یاشامالی دیر.
✍️: بیر زامانلار ائولرده یانا-یانا سئودیگیمیز ثروتلر واریدیر. سونرالار رنگلی و قیرخ-اللی اینچ تلویزیونلارا یؤنَلیب و تلویزیون آلماق، بیزلرین ائولرینده بیر مُد اولموشدور.
✍️: بیزلرین بوتون سؤزلریمیز معنویت دن اولار، آنجاق عَمَلده یالان دانیشیب و بوتون دوشوندوکلریمیز و دوشونجه لریمیز و اینانجلاریمیز پولدور، قیزیلدیر و هابئله مادی شیء لر.
✍️: بیزلر بوتون قوتساللاریمیزا آند ایچیب آمما بیر-بیرینی آلداتماقدا و بیر-بیرینه خیانت ائتمَکدَه الیمزدن گَلَنی یاپیب و یاپاریق. بیزلر ائویمیزی و ائشیگیمیزی و بوتون اوشاقلاریمیزی و خاتونوموزو موقدّس بیلیب آنجاق اونلارین اؤزرینده یالان دانیشیب و خالقین اؤزَرینده ده اونلاارا اهانت ائدیریک.
✍️: بیز ایرانلی لارین آغزیندا و دیلینده تانری، قرآن و ایماممالار آدی اولارکن اؤرکلریمیز دولودور خیانتلَن، قیسقانجیلان، رحمسیزلیکلَن، یالان دئمکلن، آلداتماق-لا، دونیا مالینی سئومکلَه؛
✍️: بیز ایرانلی لارین سؤزو و عَمَلی نین اورتاسیندا یئرلَه- گؤیه قَدَر فاصله وار. بیز ایرانلی لارین اﯙره گی، بئیینی و فیکیرلریمیز دولودور ضدیت لرله-ضدیتلرله-ضدیتلرله…
امیرافشار افشاری