ائل و طایفا ایچینده، بعضا توپلومسال، و بعضا طایفا قایداسیندا، و عینی حالدا بعضا، بعضی اوتوروملاردا، پول توپلاما غین اوزونه آیید آدلاری وار. اورنک اوچون: شنلیک و تویدا و عینی حالدا یاسدا، یاردیم و کومک اوچون کومکلر اولور. و بونا خئیری _ شر دئیرلر.
۱.قایچی پولو: خالچا توخونوب و سونا یئتدیکدن سونرا، خالچا آلیجی سی، خالچا توخویانلارا انعام اوچون زحمت یانا وئرر.
۲.بوینوز پولو: مال و داوار آلیجی سی، مال و داوار اوتاران چوبان و اوشاغلارا انعام اوچون زحمت یانا وئرر.
۳.سیبیل پولو:بونا بیغ یاغی و لوطی حاققی دا دئیرلر. اوتن چاغلاردا، لوطی لار گئجه شهر و کوچه لرده گودوک یاپماق اوچون توکانچیلاردان پول آلاردیلار.
۴.زور پولو: بعضی انسانلار باشقالارینا زور دئمک اوچون پول آلاردی.
۵.موللا پولو: محرملیک آییندا، بیر موللا روضه اوخودوغو اساسدا، هر ائودن موللا اوچون پول توپلاردیلار.
۶.ات حاققی: قوربان بایرامیندا، بیر نئچه آدام، شریک له شرک، بیر مال آلاراق آرالاریندا بولوشردیلر.
۷.استکان پولو: بونا یئر پولو و تلکه ده دئیرلر. قومار اویونوندا، قومار اوینایانلار بعضا ائو یئیه سی قویان ایستکانا پول آتارلار و بو پولدا ائو یئیه سینه چاتار.
۸.چورک پولو: چورک آلماق اوچون پول آییرماق.
۹.چوره ک یولو: بیر آل وئرده، بیرینه خئیر وئرمک اوچون یول قویماق.
۱۰.سون زامانلاردا، سو پولو، قاز پولو، برق پولو و تلفون پولو
۱۱.یول پولو: یولدا ماشینلاردان آلینان پول( عوارض راه )
۱۲.دونگی: بیر نئچه نفر یئمک اوچون، هره اوز حاققینی حساب ائتمک.
۱۳.قازان اوستو: تویدا قازانین اوستو آچیلسین دئیه، آشپاز بیگدن پول آلاراق قازانین آغزین آچار و بو حالدا باشلانیشدا بیگ و گلینین یئمکین چکدیکدن سونرا قوناغلارا شام وئررلر.
۱۴.قان پولو: اگرسه بیری بیرین اولدورسه، اولن آدامین یئیه سینه وئریلن پولا دئیرلر.
۱۵.جئهیز اوستو: گلینین جئهیزینه باخان ائل طایفا، جئهیزین اوستونه پول آتار.
۱۶.یاستاما: یاسلاما، اولو یئیه سینه کومک ائدیلن پول.
۱۷.خرجه وای: نئچه نفر بیر یئره توپلاناراق، هر نه خرجله سه لر هره اوز حاققینی وئرر.
۱۸.توی پولو: بیر گنج ائولنمه یاشینا چاتدیقدان سونرا، ایشله یه رک اوزونه توی پولو توپلار.
۱۹.توی یانا: تویدا پول توپلانماق.
۲۰.کفن پولو: بیر انسان وار دوولتین ورثه آراسیندا بولدوکدن سونرا، اوزونه ده کفن پولو آییرار.
۲۱.چای پولو: چای خانالاردا حساب اولان چای اوچون.
۲۲.شوت: بیرینین حسابین وئرمک اوچون پول، توان، بو سوزجوک کوکسل آنلام باخیمیندان بیر اکره یئرده، یالنیز بیر خط حدودوندا شوخوم سالماق، باخ. شوت سالماق، آنجاق بو سوزجوک اوسته گلن آنلاملاردان باشقا اهمیت آنلامینیدا یئتیریر. باخ.هئچ شوتونا دییل.
فولکولورموزدان بیر یارپاق/پول توپلاماغین اوزونه آیید آدلاری وار توپلاما/رحیم غلامی