ثقةالاسلام و 7 داهی انسان عاشورا گونو دارا چکیلیر:
_ثقه الاسلامین یاشامی
✍شاهین مرادی
۱۲۷۷ ق ایلینده تبریز شهرینده دونیایا گؤز آچیب.
آتاسی حاج میرزا شفیع، تبریز شهرینده شیخیه فرقهسینین باشچیسی ایدی.
ثقه الاسلام تحصیلاتین تبریز شهرینده باشلاییب و سونرا نجف و کربلا شهرینه عزیمت ائدیر.
۱۳۱۹- جی ایل تبریز شهرینه قاییدیب و محمدعلی میرزادان «ثقه الاسلام» لقبین آلیر.
تورک، فارس، عرب و فرانسه دیللرینه واقف ایمیش و همشه دانیشیقلاریندا، ملّتی دونیا احوالاتیندان آگاه ائدن عالیم اولوب.
مشروطه جریانلارینین ایلک آددیملاریندان مشروطهچی تانینیب و بیرینجی مجلس (پارلمان) قورولماق همن، تبریز شهرینده بیرینجی آدای سئچیلیب، آنجاق نامعلوم حالدا، مجلسه گئتمک قئیدین وورور.
روسلار، تبریزی اشغال ائدندن سونرا، ثقه الاسلامدان اجبار حالتده ایستهدیلر، بیر کاغاذ دا، مجاهدلرین جنگی باشلاماسین قئید ائتسین آنجاق ثقه الاسلام امتناع ائدیب و روسلارین جنگی باشلاماسین قئید ائدیر و اونلارا بئله دئییر:
بیزیم اوچون، دار آغاجی معراجدیر. آللاها گئدن نردیوان دیر.
(دار آغاجینا طرف آپاریلان زامان)
۱۳۳۰ ه.ق ایلینده عاشورا گونونده، یئددی آزادلیق ایستهین مجاهدله دارا چکیلیر (علی مسیو نون ایکی اوغلو حسن و قدیر ده دارا چکیلیر). صمدخان شجاع الدولهنینده بو جریاندا روس لارا چوخلو یاردیمی کئچیر.
ثقه الاسلامی، تبریزین مقبرهالشعرا قبرستانیندا دفن ائدیرلر.
روسیهنین اکتبر انقلابیندان سونرا، شوروی دؤلتی طرفیندن، بیر هئیت تبریز شهرینه گؤندریلیر و پئشمانلیق اوچون ثقهالاسلامین مزارینا سمبولیک حالتده گول یاغدیریرلار.
ای وطنه بذل ائلهین نقد جان،
ملّته دار اوسته وئرن امتحان
چکدیلر داره سنی منصور وار،
تاپدی شرافت سَنیله چوبِ دار…
بیر دوشوندوروجو جریان وار. بو آزاده انسانلاری دارا چکرکن، تبریزین خیاوان محلهسینین شاخسئیی ده، باشلارینا قمه وورورموشلار. اونلارا دئییرلر، باغشمالدا، حسینی اؤلدورورلر، شاخسئی و قمه وورانلار دئییرلر:
بیزیم سیاستله ایشیمیز یوخ و بیز تکجه عزادارلیق ائدیریک!
تصویرده اولانلار:
ثقه الاسلام، شیخ سلیم خطیب، ضیا العلما، حاج محمدقلی خان، میرزا صدق الملک، آقا محمد قفقازچی و علی میسیونون ایکی اوغلو حسن و قدیر.