قاز: قیغیلتی، قازلار قیغیلداشیرلار، قاز کیمین قیغیلداییر، قیغیلتی سالماق
گوورچین: گوورچین قورولداییر، ائرکک گوورچین گورولده ییر، گورولتو سسی گوورچیندن باشقا ایلدیریم شاخاندان سونرا گوی گوی گورولتوسونده بیزه آنلادیر. و بوندان باشقا قارین قورولتوسو و قارین گورولتوسو ده ائل ایچینده ایشلک ده دیر.
تولکو: وککیلتی تولکونون سس آنلامیدیر، بیری چوخ سس ائدنده دئیرلر تولکو کیمین نیه وککیلده ییرسن. یا باشقا بیر آنلامدا واققیلتی و یا خود واققیلداماق یئنه ده تولکونون سسینه ندنله شیر.
چیبین: ویزیلتی چیبینین سس آنلامیدیر. ، چیبین کیمی نیه ویزیلداییرسان. بوندان باشقا ویزیلتی یئلین حزین بیر سسی آنلامیندادیر.
جنه وار: اوولتو و یا اوولداماق جنه وارین سسی دیر. و بوندان باشقا جنه واردا ایت کیمی آجیناجاغلی اولاندا بیر بیرینه میریلداییر. و میریلتی سسی پیشیک دده ایشلکدیر
ایت: سینسیمک، هورمک،واققیلداماق،میریلداماق، زینگیلده مک،اولاماق،ونگیلده مک، یانشاماق، مختلف قایدادا و مختلف سس قایداسیندا ایتده ایشله نن سس آنلامیندادیر .زینگیلتی سسی ایتین بالایی اولان کوچوکده ده بیر یانقین سس آنلامیندادیر
کئچی: ملرتی و یا مله مک و بوندان باشقا بککیلتی و بککیلده مک کئچی یه آیید سس آنلامینی یئتیریر
اوکوز: بویورمک سوزجویو اوکوزده حریف چاغیرسین و مئیداندارلیق ائله سین دئیه سس آنلامیندادیر
ائششک: آنقیرماق ائششه یه آیید سس آنلامیندا یئر تاپدیقدان سونرا ائرکک ائششه یین غرور قایداسیندا فیریلتی سسینی ده دویماق اولور
آت: کیشنه مک و بوندان باشقا فیریلتی سسی آتا آییددیر
کهلیک: قاققیلتی و قاققیلداماق کهلیکه آیید سس آنلاملیدیر. بیری اوجادان گولنده دئیرلر کهلیک کیمین قاققیلداییر
پیشیک: مییولداماق پیشیکه آیید سس آنلامیندادیر. اوتن چاغدا اوغلان قیزی سئونده مییو سسیله بیر بیرینه اشارت ائتسه لرده. آنجاق بوردا بیر آتالار سوزونه راست گله رک بئله دئییلیر مییو مییو منه ده میییو
تویوق: قیغاناق تویوغون سس آنلامیدیر. بو سسده ائله بیل کی تویوق اوخویور. یانی تویوق ائشینه رک بو سسی ائده ر
دویوز: دونقولتی و دونقولدانماق دونقوزو آیید سس دیر. دونقوز بو سسی یئر ائشنده و یا بیر تهلوکه گورنده چیخارار
قورباغا: قورولتو و قورولداماق قورباغایا آیید سس آنلامیدیر
بیلدیرچین: جوتلشمه واختیندا بیلدیرچینین دیشیسی ویغ ویغ و ائرکه یی ایسه فیشدی بیللیت سسیله بیربیرین آرارلار.
جوجه: جوککولتو و جوککولده مک جوجه نین سسینده علاوه توم خیردا قوشلاردادا بو سس اوزونو گوستریر
بئچه: بانلاماق و قوققولداماق بئچه یه آیید سس آنلامیدیر. بئچه دن علاوه بانلاماق سسی بایقوشدادا ایشله نیر
آیی: هوککولتو و هوککولدنمک آیی یا آیید سس آنلامیندادیر
قارغا: قاریلداماق، قیریلداماق
بوببو: بوببولتو و بوببولداماق بوببو قوشونا آیید سس آنلامیندادیر
قویون: قویون و بونا آیید ملرتی و مله مک سس آنلامیندادیر
ایلان: فیسیلتی و فیسیلداماق ایلانا آیید سس آنلامیندادیر
هشدرخان: قورت قورت و قورتولدانماق سس آنلامیندادیر
بو سسلری ساوالان داغینین اردبیل و خیاو شهرینین داغ بولوموندن توپلامیشدیق.
