ظالیم نه جاوابیز اۏلاجاق میللته؟ دیللن…
جاماعاتی فلاکته سۆرۆکلهین آنتی تۆرک ماسۏنلارین نژادپرستلیگی و عوام آللادان یالانلاری
ایکی ایلدن آرتیقدیر آذربایجان-ائرمنی آتش کسیندن کئچیر؛ آنجاق ائرمنی طرفی امضالادیغی باریش موقاویلهسینه عمل ائتمیر. بو گۆن آذربایجان طرفی باریش امضاسینین اجراسینی ایسترکن ائرمنی طرفی اۏردو چکیر. طبیعی کی آذربایجان اۏردوسو دا، اۏنا قارشی حاضیرلیق ائتمه لیدیر، بونلار هامیسی یئرینده. اۏکی قابل بحثدیر، بیر سیرا آنتی تۆرک و آنتی آذربایجان پان ایرانیستلرین آرا قاریشدیر ماغی؛ آذربایجانی تهدید ائتمکلری؛ یئرسیز ادعالاری؛ عوام آلادان یالانلاری و اقتصادی- سیاسی دورومون چۏخ گرگین چاغیندا، منطقه نی و میللتی فلاکته سۆرۆکلهمکلریدیر. اؤزللیکله گۆلۆنج اۏراسیدیر کی، تۆرک مانقورتلارین اۏینادیب؛ آذربایجان میللتی آدینا قوزئی آذربایجانی تهدید ائتدیریرلر! اۏنلار ایسه بیر دۆشۆنمۆرلر کی، نه خالخالیسیندن؛ نه موسوی اردبیلیدن… و نه میر حسین موسوی دن بؤیۆک و گۆجلو دئیللر! سۏنلارینا بیر دقت ائدین؛ البت کی میللی دۆشۆنجهسی اۏلمایانین سیاسی-اجتماعی… دۆشۆنجهسی ده اۏلا بیلمز. بو گرگینلیگی ایزله دیمیزه گؤره چۏخ گۆلۆنج ادعالارا توش گلیریک.! میثال اۆچۆن ایران، ائرمنیستاندان آوروپایا گئدیر! بیر حالدا کی ائرمنیستانین ایراندان باشقا قۏنشولاری تۆرکییه، گۆرجۆستان و آذربایجاندیر. یعنی ایراندان باشقا بۆتۆن قۏنشولاریلا سرحددی باغلیدیر. ائرمنیستانین هاراسیندان آوروپایا یۏل وار، بونو حیاسیزجا ادعا ائدنلردن سۏرمالییق! ایکینجی ژئو پۏلوتیک مرزلردن سؤز گئدیر. اۏتوز ایلدیر یۆز کیلومتردن آرتیق آذربایجان سرحدین ائرمنی ألینه کئچیرتمیشدیلر. بو اسلام آرخاسیندا گیزلهنن پانایرانیستلر نهدن سوسموشدولار!؟ اۆچۆنجۆ اسرائیلله آذربایجان رابطه سی؛ اونوتمایاق ائرمنستان و اسرائیل ایکیسی ده مسلمان دوشمانلاریدیر. اسرائیل نه ایران تۏرپاغین اشغال ائدیب؛ نه ده ایران میللتین سۏی قیریم. آمما ائرمنی هم آذربایجان تۏرپاغین اشغال ائدیب؛ آذربایجان میللتین غددارجاسینا سۏیقیریم ائدیبدیر۰.(البته کیملرین یاردیمیلا؛ پرده لر آچیلارکن آیدینلاشاجاقدیر) و بیر سیرا اسلام داشین دؤشۆنه دؤینلر ایسه صاحیبسیز قالان و صاحیبی غددارجاسینا هلاک اۏلان دام-داشین، دمیرین، تاختاسین… اۏغورلاماغا تشبث ائدیبدیر! پس ایران دؤولتی ائرمنستالا دۏستلوق، امکداشلیق، یاردیملیق ائتمکله؛ سیزجه آذربایجانا دوشمانچیلیق ائتمیر؟ اۏلمایا ایکینجی قاراباغ ساواشیندا روسون ائرمنیه گؤندردیگی سیلاح-سورساتین ایرانلیلار گؤزۆمۆز باخا- باخا داشیمیردیلار؟! ایران دؤولتی بیریاندان قاراباغی آذربایجان تۏرپاغی تانئییر، بیر یاندان اشغالگره قوجاق آچیب؛ ضعیف اۏلماسین دئیه، بن بستدن چیخاردیر!!! اۏلمایا دۆشۆنۆرلر: بو ایکی اۆزلۆ-لۆک سیاستی میللت دۆشۆنمۆرمۆ؟! منجه ۴۴ ایلدیر بیر یازیق میللت هر شئیدن چۏخ بو نژادپرستلیگین تأثیریندن بئیله یۏخسوللوغا، فلاکته و نهایت دینسیزلیگه دۏغرو اوغرایب هابئله بۆتۆن بونلار نژادپرستلیک و آنتی تۆرکلۆکدن قایناقلانیر.
بیر گۆن گله جک محکمهی عدل قورارلار
ظالیملری زنجیره چکه خالق دورارلار
باشوز دۆشهجک سینؤزه خجلت قوجاغیندا
جیسمۆز یاناجاق آتشه میللت اۏجاغیندا
ظالیم نه جاوابیز اۏلاجاق میللته دیللن؟!…
عقیل آذردخت /موللاباشی