عاااغا عیمام خامنهاییه آچیق مکتوب
عاااغا، میرطاهر قضیهسیندن بری، آدام بیلمیر سنی خطاب ائدنده اؤلۆ اۏلدوغوندان:«رحمتلیک» دئسین و یا احتیمالاً دیریلیگیندن سلام وئرسین!!!
باخمایاراق کی، آتالار دئمیشکن:«دیکتاتۏرون اؤلۆسۆنه ده لعنت، دیریسینه ده»؛ عاغا، باخ ایندی بعضی گؤزهگؤرٶنمز قولبئچهلرین مؽز((Mız قۏیماغا هئچ نه ده تاپماسالار، گلیب منی ساختاکارلیقدا تحریفده اتهام ائده رک یازاجاقلار کی، آتالار دئییبلر: «ایلانین آغینا دا لعنت، قاراسینا دا»…
البته آیدین دیر کی، دیکتاتورلار میللتی ایلاندان دا پیس سانجیرلار. دئمک اولار کی مسئلهنین ماهیتی او قدر ده فرق ائتمیر.
آممااا؛ بو اؤلۆ مسئلهسینه گلدیکده، اؤز آرامیزدی هاااا، سیزه چۏۏۏۏۏۏخ-چۏخ فرق ائدیر.
نئجه دییهرلر:« فیلانکس اؤلۆ ائششگین نالین چکیر»… سیز ده، قاسیم کتلتدن ائنینه-اوزونونا استفاده و آباستفاده (سوءاستفاده) ائدیرسیز. البته اۏ دا اۏلمایاندا، بۏش تابوت دان زاد دان بزهییب، «شهیدگمنام» آدینا قهبه شۆوَنلیک سالیرسینیز. باغیشلایین منظوروم:«قاراشۆوَنلیک» ایدی، هرحالدا، من ذاتاً ادبسیز اوغلان دئییلم، آنجاق، نه ائتمک؟ مئدیاتیک عالم ده ائتیک قایدالاری نه قدر ده قوروماق ایسته سک، اؤزۆمۆزدن آسیلی دئییل، چۆنکی دیل یاهالیر، دۆزۆزن دئییر.
نه ایسه، اؤرنک اۆچۆن ائله دۆنن ”عیران ، آزربایجان و تورکیه“ دولتلرینین گؤرۆشلریندن سۏنرا، مئدیالار یازماق همین کی: «عیران لا آزربایجان آراسینداکی آنلاشیلمازلیقلار بیتدی»! اۏ سن اؤلهسن ( آللاهو احبر، یامان ایلیشمیشیک ها، آخی آدام بیلمیرکی، گئرچک دن دیریسن، یۏخسا اؤلۆ؟) هله؛ سیزین او قازان دیبینی یئره دؤیَنلریز، آغزی أیریلردن«آذریها»دان توتموش، تا «دیپلماسی عیرانی» دهکی هر آشین دوزو اۏلان احسان موحدیان سایاق تؤر-تؤکۆنتۆلرینیز، باشلادیلار بانلاماغا کی:« بلند شو علمدار، زنگه زور از دست میرود» و…
یعنی، :«ژنرال کتلت، دور کی ، زنگهزور ألدن گئتدی…»
دئمهلی، خالی قالیباف، خالی بافی یا همن خیالبافی ائدیب، اؤز دیلیمیزده دئسک، گ<پ باسیب و داها دوغروسو آرزولارینی دیله گتیریب.
آده، علمدار چۏخدان دی ائیییی کتلت اۏلوب؛ سیز مگر عیسی پیغمبرسینیز کی، اؤلۆلری دیریلدهسینیز؟
أشیییی، بو قاسیم یازیقدان آز مایا قۏیون دَه، سوریه ده بیآبیرچیلیقلاریزی یوماق اۆچون، دئییرسیز کی:« هه عملیات دان بیر گۆن اؤنجه، قاسیم یوخوموزا گیردی و دئدی، پلان بئله اۏلمالیدیر! شاهچراق دا میللتی گۆدازا وئردیگینیزدن دؤرد ساعات اؤنجه قوشلاییرسینیز، یعنی حادثهایله باغلی بنرین دئیتا بئیسلری پاسینیزی آچدیقدان سۏنرا، اۏنون دا پۏخونو یاخیرسینیز قاسیمین بۏینونا کی، گۆیا ساجی قاسم (ساجدا قاوریلمیش کیمی حاجی قاسم سلیمانی) بیرگئجه اؤنجهدن حادثهنین بنرینی ایشلهین قاراقولاق گرافیستین یوخوسونا گلیب و دئییب کی:« بئله بیر ایش باش وئرهجک!».
پاااا… آتۏونان، آده؛ سیز کی أن آزی دؤرد ساعات اؤنجه دن بیلیردینیز، نه دن حادثه نین قارشینی آلمادینیز؟ واللاه اوزمانلار (کارشناسلار) دئییرلر کی:« أن آغیر زلزلهدن یاریم ساعات اؤنجه بیلسهلر کی هانسی سا بؤلگهده یئر تیترهیهجک، بیر نفر اینسان تلفاتی دا اۏلماز».
عاااغا، سیزین آچیقلاماغینیزا گرک قالمیر، چۆن اوزمانلار آنلامیر کی، اۏ حالدا ساجلیق قاسیمین اؤنگؤرۆسۆ (پیشبینی سی) یئره دۆشردی.
عاااغا، میللت کی هئچ، اۏنسوز دا هامی قارا گۆنده ایت کؤکۆنده کئچینیرلر.
گؤرهسن قارشیدا گلن گۆنلرده، سیزی هانسی فلاکت گؤزلهییر؟
عاغا؛ پوتین دن نه خبر؟ زمستان سخت ایله نئجهسینیز؟
حبیب ساسانسان (یاکاموز)