:«نه ایسته ییرسن باجیندان، باجین اؤلور آجیندان»
ایلک باخیشدا باجیلارلا ایلگیلی اۏخودوغونوز آتالار سؤزۆنۆ ائله – بئله سئچمهمیشم.
همشهری گۆندهلیگینین سارساخلاماسی ایله عین چاغدا، تهران-ایراوان-ین باجیلیق (خواهرخواندگی= عقد دُخُوّت) خبری، ایستر-ایستهمز هر بیر مئدیاچی کیمی منی ده ماراقلاندیردی.
منیم یئنییئتمه چاغلاریما قدر فارس آسیمیلاسیون محیطیندن قیسماً اوجقاردا یاشادیغیم کند حیاتیندان دۏلایی، بئینیم آتالار سؤزۆنۆن اینجی خزینهلری ایله دۏلودور. ائله بونا گؤره ده هربیر گۆندم له باغلی جیزماقارالاریمدا اؤزۆم ده بیلمه دن و یا حتی ایستهمهدن بۏلها-بۏل آتالار سؤزلریندن بارینیرام.
سؤزۆن باشینی آچماق ایچۆن یئنه ده بیرآتالار سؤزۆنه دؤنۆرم:« سودا بۏغولان ألینی کؤپۆگه(کؤپۆیه) آتار».
ایرانلا ائرمنیستانین اؤتن یوزایللیک بۏیو سۏیچولوق سیاستلری، ساراتان (کانسر- خرچنگ) خستهلیگی کیمی نهایت اؤزلرینی بۏغماقدادیر. بیزیم خۏشبختلیگیمزدن، بؤلگهده بو ایکی وزین (غده نین) ایرینلهمه سی و نهایت پارتلاییب داغیلاجاقلارینی گؤرمک عرفهسینده ییک. بو بیر رؤیا دگیل. بو ایکی جیجی-باجیلارین أن بؤیۆک باجیلاری، یعنی فرانسا دا، زامانیندا آفریقادا یئرسیز و انسانلیغا سیغمایان جنایتلر تؤره دیب. دئمهلی آزربایجانیمیزین گۆنئیینده 1325-جی ایل آذر آیینین فارس شئوونیسمی ألی ایله جنایتی، قوزئی ده کی خۏجالی فاجعهسینه تای، زامان سۆرهجینده پاریسده فورمالاشمیش بیر جنایتکار فاشیست دۆشۆنجهنین محصولو کیمی اؤزۆنۆ گؤستهریب. بونون عیانی ثبوتو نۏفل لۏشاتو دا تعلیم تربیهلنمیش خمینی نین ألی ایله قورولموش اۆزده اسلام جمهوریتی نین ضیددی تۆک حرکتلرینین داواملی اۆلدوغونو آد آپارماق اۏلار.
بیزیم هر شئییمیزی اۏغورلاییب اؤزلرینه اؤلکه قوران اوتانمازلار، بودؤنه ده؛ «بیر میللت، ایکی دولت» اینانج و سؤزۆمۆزۆ جازلاسالار دا، چۏخ شیت گؤرۆنۆر.
دئییرم گؤرهسن بو، بیرجۆت – بیر یالخی جیجی-باجیلار، نهایت نهیین پئشیندهدیلر؟ دُخُوّت عقدی باغلایان ائرمنیایله اۆزده موسلمانلار، رجب آبی طیب اردوغانین:« دۆنیا بئشدن بؤیۆکدۆر» سؤزۆنۆ هله ده آنلاماییبلار؟!
سؤزسۆز کی، آنلاسایدیلار، بؤیۆک باجیلاری ماکارۏنی دی، نه بیلیم ماکرۆن دو نه دی؛ اۏنا سهلیدیر، حتی اۏکراینادا باتمیش بؤیۆک آییلاری -داییلارینا دا، بو قدر گۆوَنمزدیلر. ائله بونا گؤره دیر کی، باشلیغی :«نه ایسته ییرسن باجیندان، باجین اؤلور آجیندان» گؤتۆردۆم.
حبیب ساسانیان (یاکاموز)
اهداف گروه خبری آذتورک خبرلری:
سایت آذتورک خبرلری بطور روزانه و فعال اخبار و مطالب مربوط به حقوقبشر، آذربایجان، جهان تورک، مقالات و غیره…
با اینکه تورکها خدمات بی پایانی به ایران کردهاند. اما رژیمهای مذکور ملت تورک را به دلیل خواستههای مشروعشان بارها سرکوب کردهاند و این سرکوب ها همچنان ادامه دارد.
سایت آذتورک خبرلری صدای فعالین مدنی و حقوق بشری و مدافعان آزادی و دموکراسی ملت تورک و پاسخی به تبعیضها و سرکوبها علیه آذربایجان است.
سرزمین آذربایجان متعلق به ملت آذربایجان است و سرنوشت آذربایجان را ملت آذربایجان تعیین خواهد کرد. حق تعیین سرنوشت از ارکان اساسی ملتهاست و آذربایجان هم از این قاعده مستثنی نیست.
از شما خواهشمندیم، سایت ما را به دوستان و آشنایان خود معرفی کنید و با ارسال فیلم و خبر ما را یاری نمایید.