گۆنئی آزربایجان میللی حرکاتیندا اؤزسیخیم ( Senzura-Özsıxım = خودسانسوری)
بیر نئچه گۆن اؤنجه، آزربایجانیمیزین باش کندی باکیدا بۆتؤو آزربایجان اوْجاقلاری “BAO” باشدا اوْلماقلا، باشقا پارتیالارلا قوروملارین بیرگه ایشبیرلیگی، گۆنئیله ایلگیلی کوْردیناسیا (هماهنگی) مرکزینین یارانماسی یوْلوندا بیر توْپلانتی گؤردۆک. اوْ توْپلانتی نه دن اؤنجهدن نظرده توتولان هتلده قورولمادی! سؤز قوْنوسو دگیل.
سؤز بودور: بۆتؤو آزربایجان اوْجاقلارینین مرکزی اوْفیسیندهکی آسیلمیش بؤیۆک بۆتؤو آزربایجان یئرکیبی (نقشهی آزربایجان واحد و بزرگ) نهدن بیر سیرا سؤزده میللی فعاللاری اۆزگۆن ائدیب ؟!
نئجه اوْلور اؤز دئدیکلرینه گؤره؛ یاشاملارینی تۆرکلۆک اوغروندا:«چالیب داشا، چیخیب باشا» ایددیعاسیندا اوْلانلار، پانایرانچیلارلا سؤزبیر اوْلوب، اوْ توْپلوما قاتیلان بۆتۆن فردی-تشکیلاتی اینسانلارا سالدیرماقدادیرلار!
عؤمرۆ بوْیو اؤزگۆرلۆکدن دانیشان، آنجاق اؤزگۆرلۆگۆن آناایلکهسینی(أساس پرینسیبلرینی) قیناماق نه دئمکدیر؟!
بونلار بیر یانا دورسون؛ ماراقلی، هابئله آجیآغریلی حیسسهسی، بیر چوْخ اوتانقاج (خجالتی) میللی فعاللاریمیزین بو قوْنویا یاناشمالاریدیر.
بو، پاپادان درین کاتوْلیکلره(کاتولیکتر از پاپ) بیر نئچه سؤزۆم وار
۱- ایران سئورلرین ماراقلاری اۆزهرینده جیزیلمیش یوْل خریطهسیله حرکت ائتمک زوْرونداسینیز سا، اوْ زامان ایرانین گؤبهگینده یئرلشمیش ایشغالچی ائرمنیلرین سفیرلیگینده آسیلمیش (بؤیۆک ائرمنیستان) یئرکیبنه نه دن اعتراض ائتمهمیسینیز؟! هله قوْندارما ائرمنیستان رئسپوبلیکاسی اونیوئرسیتئتلریله ایراوان شهرینین مرکزی میدانچاسیندا آچیقجاسینا ایران بۆتؤلۆگۆنۆ هدهلهین ائرمنی ایللوزیالاری (توهّملاری) أساسیندا جیزیلمیش خریطهلردن دانیشمیرام. اوْلمایا اربیل اونیوئرسیتهتینده اوْلان ««بؤیۆک کۆردۆستان» خریطهسیده سیزلری فرحلندیریرمی؟
نئجه اوْلور تاریخ بوْیو بیر کند بوْیدا اراضیه حؤکمرانلیق ائتمهمیش کۆردلرین بۆتؤو آزربایجانی قاپسایان خریطهلری قوللانیلان تئروْرچو پارتیالارلا مرحمتلی داورانیرسینیز، آنجاق گۆنچیخاندان-گۆنباتانا قدر آتالاریمیزین آت اوْیناتدیقلاری توْرپاقلاریمیزین کیچیک بیر حیسسهسینی احاطهائدن بیر خریطه یه سرت تپکی گؤستهریرسینیز؟!
نهدن میستی-میستی ائدیرسینیز؟
آرازین گۆنئیینده فارس حاکمیتینین اسارتینده یاشایان میللی مبارزلرین «تقیه»لی چیخیشلاری باشا دۆشۆلندیر؛ آنجاق گۆنئی آزربایجاندان دیشاریدا یاشایان بعضی میللی فعاللاریمیزین سؤزۆ گئدن یئرکیب اۆزره دمکراتیک ژست توتماقلاری، نه گۆوندیریجیدیر، نه ده ایناندیریجی.
حبیب ساسانیان (یاکاموز)
اهداف گروه خبری آذتورک خبرلری:
سایت آذتورک خبرلری بطور روزانه و فعال اخبار و مطالب مربوط به حقوقبشر، آذربایجان، جهان تورک، مقالات و غیره…
با اینکه تورکها خدمات بی پایانی به ایران کردهاند. اما رژیمهای مذکور ملت تورک را به دلیل خواستههای مشروعشان بارها سرکوب کردهاند و این سرکوب ها همچنان ادامه دارد.
سایت آذتورک خبرلری صدای فعالین مدنی و حقوق بشری و مدافعان آزادی و دموکراسی ملت تورک و پاسخی به تبعیضها و سرکوبها علیه آذربایجان است.
سرزمین آذربایجان متعلق به ملت آذربایجان است و سرنوشت آذربایجان را ملت آذربایجان تعیین خواهد کرد. حق تعیین سرنوشت از ارکان اساسی ملتهاست و آذربایجان هم از این قاعده مستثنی نیست.
از شما خواهشمندیم، سایت ما را به دوستان و آشنایان خود معرفی کنید و با ارسال فیلم و خبر ما را یاری نمایید.