مشهور حؤکمدار و دؤورونون ان بؤیوک آسترونومو ؛ اولوق بیگ
بیر واختلار او اؤزونو هم باجاریقلی دؤولت خادیمی، هم ده ماهیر بیر آسترونوم، قوردوغو دؤولتین پایتاختی سمرقندی ایسه نینکی آسییانین، هم ده دونیانین سیویل مدنیت مرکزلریندن بیری کیمی تانیدا بیلدی. اینشا ائتدیردیگی رصدخانالارلا آسترونومییانین دونیادا اؤیره نیلمه سی و تدقیقی ساحه سینده عوضسیز خیدمتلر گؤستردی. اونون اولدوزلارین اؤیره نیلمه سی ساحه سینده گؤردویو ایشلری گونوموزده آنجاق آمئریکانین کوسموسون تدقیقی ایله باغلی حیاتا کئچیردیگی قلوبال لاییحه لرله موقاییسه ائتمک اولار. او، علم عاشیقلرینی، علمی سئونلری، علم آداملارینی قییمتلندیرمگی باجاران قودرتلی بیر حؤکمدار ایدی و اونا گؤره ده هله گنج ایکن بوتون دونیادا مشهورلاشمیشدی.
صؤحبت اورتا عصرلرین قودرتلی حؤکمدارلاریندان و مشهور آسترونوملاریندان اولان میرزه اولوق بیگدن گئدیر. اولوق بیگ ۱۳۹۴-جو ایل، مارت آیی نین ۲۲-ده نینکی جنوبی آذربایجانین، هم ده یاخین و اورتا شرقین علم و مدنیت مرکزلریندن بیری کیمی تانینان سولطانیییه شهرینده آنادان اولوب. اونون آتاسی مشهور سرکرده و دؤولت خادیمی امیر تئیمورون اوغلو شاهروخدور. اولوق بیگین اصل آدی محمد تاراقایدیر. آناسی گؤوهرشاد ایسه مشهور تورک سرکرده سی و دؤولت خادیملریندن اولان قییاس الدین تارخانین قیزیدیر.
