اوزون سؤزون قیساسی بو کی، (مینسک تاریخه قوووشاجاق) بو سؤز سرگئی لاوروف’ون آغزیندان چیخیب بو سؤزون اوجوندان توتوبدا سونانا چاتماق اولار
روسییا اوکراینا ساواشیندا باشینی ایتیریب مینسک قورومونون همصدرلرینی آتشه توتماسین بس نئیلهسین، دئییر بلکهده بو آمئرکایا-فرانسایا بیر تعزیق اولدو –
یاددان چیخاتمایین کی روسییا بئله بیر قوروملاردا تورک دونیاسینی دولاشدیرا بیلیردی ایندی اعلان ائدیرکی حتتی مینسکین پوزولمایینادا راضیلیق وئریر.
بو بیر باشا اوروپانین قارشیسیندا تورکلره مراجیعت ائتمهدیر، آما واخت اؤتوب زامان دهییشیب، مینسک قورومو چوخدان تاریخه قوووشموشدور،بو قوروم نه واخت واریدی کی،
مینسک قورومو ۱۹۹۲-جی ایلده یارادیلماغی قرار وئریلمیشدی(البتته چوخ روسییانین آماجیلا) روسییا بو ایشه چوخ ماراقلیایدی-
بو ایللرده چوخ آذربایجان شهرلریده ایشغال ائدیلدی .بو ۳۰ ییلده اگر مینسک گروپو ائرمنستانا تعزیق گؤسترسهیدی و سانئکسیا تطبیق ائتسهیدی جیرتدان ائرمنستان تورپاقلاریمیزی قایتارمیش اولاردی.
رئگیوندا ایکی ایستابیللییی پوزان و یئنی جیغیر آچان ایکی اؤنملی اولای باش وئردی
و بو اولایلار نسه بیزیم خئیریمیزه الدو-
الف- آذربایجانین ائرمنیستانلا ۴۴ گونلوک ساواشی؛
بو ساواش دونیایا گؤستردی کی، ۱- آذربایجان تورپاقلاریندان واز کئچمهدی
۲-ثبوت ائتدی کی، مینسک گروپونون آرتیق بیر اؤنمی یوخدور و اونون اساس مقصدی واختی اوزاتماق و آذربایجانی ایشغاللا باریشدیرماق ایدی و بودا ائرمنیستانین لئیهینه اولدو.
ب- اوکراینا و روسییا ساواشی؛
دئییرلر روسو آللاهین بلاسی توتموش
روسییا بو ساواشدا اوْلوم سارمالینا دوشدو
۱۹ مین عسگر ایتیردی-غرب و خصوصیله آمئرکایلا قارشی-قارشییا دوردو(روسییا غربی و آمئرکانی تورکلره قارشی نسه قال
ایندی ۲۸ ایلدن سونرا آرتیق او گروپدا چالیشانلار پئنسییایا چیخیرلار، مینسک گروپونون گؤزلهنیلن سونو بئلهده اولمالیایدی
آرتیرمالییام کی، ۴۴ گونلوک قاراباغ موحاریبهنین اؤنملی ائتگیلریندن ایکی سئویندیریجی اولای باش وئردی
ائرمنیستانین دیز چؤکمهسی و مینسک گروپونون تاریخه قوووشماسی.
صیاد نعمت