سزن اکسو تورکیه ده و ائلجه دونیادا تانیمیش بیر صنعتچی دیر و طبیعی دیر که بئله بیر شخصیت ، همیشه چالیشیر که بیرنجی یئریلرده اوزونو گوسترسین .اما بو سون شارقیسی ،اونا حاشیه یاراتدی ، گومان ائتمیرم که اونون اماجی حقیقتا دینی شخصیت لری حقارت اتمک دیر.
یعنی شارقی داندا ائیله بیر حیسی دویماق اولمور . حضرت آدم(ع) و حوا شخصیت لری عموما شاعرلر و عارف لر طرفینده عتابلا سسلنیب و منجه بو شارقی دا دا بیله بیر معنا دویولور .تاسف له بعضا دیندارلار بئله مسئله لرده تئز رئاکسیا وئریرلر و فیکر ائیلیرلر بو حالدا دینه خیدمت ائدیرلر حال بو کی دینی اینانجیلار بیله تعصب لره چوخدا خوش باخمیر .تاریخده چوخ واختلار اماملارمیز بیله حرکتلره چوخ دوزومنن یاخینلاشیب لار ، حتی قارشی طرفی بیله ایفاده لری قولاندیقی چون پشیمان اولمشلار . تورکیه ده آق پارتی ایش اوستونه گلنن سونرا ، دینه فاناتیک باخانلار چوخالیب و بودا هچ یاخشی علامت دئیل. فاناتیسم دینی بویوک بیر تهلوکیه آپاریر ، بعضا حتی دین خادملرینیده ، بویوک ضربه آلتیندا قویور . و عمومیتله جمعیت ایچینده پانیک یارادیر نمونه لرنی بیز یاخین زامانلاردا ، گوروب و ائشیدمیشیک .دولت باغجالنین،سزن اکسویا سرت ایفادسی ،اولا بیلسین بو پارتیایا رغبتی دیندارلار طرفیندن قازاندیرسین ،اما بو ترکیه اوغور گتمیر. و ائلجه ایسلامین چوره سینه ده .
من سئزون اکسو نون طرفداری دئیلم عمومیتله منیم پاپ موسیقی سینن ماراغلانمیرام .و اونا گورا شخصی آرشیومده سزن اکسونون شارقی لاری یوخدور .البته یوتیوب دا اونون شارقی لارینا باخیب و دویموشام، انجاق سئزون اکسو منیم سئودگیم شارقچی دئیل . منجه تورکیه مئدیاسی و اجتماعیاتی سزن اکسونو تنقید ائده بیلر ،انجاق اونون قاپسینا یغشیب و سرت شعارلار ورمک ،یاخشی دئیل .و دئدگیم کیمی بو شارقی پلانلاشمیش بیر سناریو دئیل و کچمیش ده ده شعرلرده بونا یاخین ایفاده لر وار و اولوب.
بهنام کیانی اجیرلی