موخالیف لرین یاشینی مکتب اوشاقلارینین یاشینا چاتدیران رژیم
بو گۆنه دک اعتراضلار لا باغلي اۏلان چاغريليشلارا قاتيلماديغيمين سببی ساده جه سؤزۆ گئدن اعتراضلاردا اشتراک ائده بیلمه دییم دیر. یۏخسا مخالیف لرینین یاشيني مکتبلی قيزاوشاقلارينين یاشينا چاتديران بیر رئژیمه قارشي، کیملییندن و سیاسی دۆشۆنجه سیندن آسيلي اۏلمایاراق اعتراض ائدنلرین هاميسي نین اعتراضي، تقدیره لاییق دیر.
بیر ده کی، بو اؤلکه ده اعتراضلارا حاکمییت طرفیندن یۏل وئریلمهمهسی هاميیا آیديندير. بۆتۆن اعتراضلاري ایغتیشاشا چکیب، اینسان حاقلاريني کۏبودجاسینا پۏزاراق، گۆناهسيز اعتراضچيلارا ایغتشاشچي دامغاسی ویریب، اۏنلاري اؤلدۆرن، دؤین، حبسه محکوم ائدن و بۆتۆن بونلاري اؤرت-باسدیر ائتسین دئیه، اینترنئتی و مجازي شبکه لری کسیب سيرادان چیخاران، حیاسيزجاسينا یالان دانيشماقلا اینسانليغين شعورونا سایقيسيزليق ائدیب اؤزۆنۆ ملک سایان بو رژیم، دفعه لرله وورغولاديغيم کیمی اصلاح اۏلونمازدیر.
میللتین ناموسونو سؤزده «گشت ارشاد» آدلانان ماشينين ایچینده دؤیه رک اؤلدۆرمهسینی دانان رژیم، اردبیلده قیز مدرسه سینه سۏخولوب بیر نئچه مدرسه قيز اوشاقلاري نين اؤلۆمۆ و چۏخ سایدا یارالانماسي و توتوقلانماسيیلا نتیجه لنن یيرتيجی داورانيشيني نئجه تۏجیح ائده بیلر؟
مدرسه ده قیز اوشاقلاری رژیمه قارشي هانسي تهلۆکه نی و خطری یارادا بیلردیلر؟
آرتيق نه رژیم، نه ده اۏنون گئیدیرمه شوعارلاري بو میللتین اوموروندا بئله دئییل.
اۆزۆمۆ تاریخ بۏیو بو میللتین دوز- چؤرهییله کئچینن آیت الله لارا و روحانیلره توتاراق دئییرم:
سیزلری بۆتۆن بو جنایتلر قارشيسيندا سوسدوران عامیللر نه لر دیر؟ نه دن اؤز ولی نعمتلرینیزدن اۆز دؤندریبسینیز؟
بو میللت اۏلماسا سیز نه یه یارارسینیز؟
بونونلا دا، اؤلکه اهالیسینین بۆتۆن بو حاقسیزلیقلارا قارشي دینج اعتراضلاریني حمایه ائدیب، شهید اۏلانلارين روحونا رحمت، بو مقدس مباریزه ده خالقيميزلا یاناشي بۆتۆن اؤلکه خالقلارینا اوغورلار دیله ییرم.
دکتر لطیف حسنی
اهداف گروه خبری آذتورک خبرلری:
سایت آذتورک خبرلری بطور روزانه و فعال اخبار و مطالب مربوط به حقوقبشر، آذربایجان، جهان تورک، مقالات و غیره…
با اینکه تورکها خدمات بی پایانی به ایران کردهاند. اما رژیمهای مذکور ملت تورک را به دلیل خواستههای مشروعشان بارها سرکوب کردهاند و این سرکوب ها همچنان ادامه دارد.
سایت آذتورک خبرلری صدای فعالین مدنی و حقوق بشری و مدافعان آزادی و دموکراسی ملت تورک و پاسخی به تبعیضها و سرکوبها علیه آذربایجان است.
سرزمین آذربایجان متعلق به ملت آذربایجان است و سرنوشت آذربایجان را ملت آذربایجان تعیین خواهد کرد. حق تعیین سرنوشت از ارکان اساسی ملتهاست و آذربایجان هم از این قاعده مستثنی نیست.
از شما خواهشمندیم، سایت ما را به دوستان و آشنایان خود معرفی کنید و با ارسال فیلم و خبر ما را یاری نمایید.