میللی حرکتده اۏلان یانلیش فیکیر و دۏشۏنجه
هئچ زامان اومودسوزلوغا اۏغرامایاق
هر بیر سیاسی-فرهنگی شخصیت، چالیشدیغی جامعه یه حاکیم اۏلان ایدئولوژئیایا قارشی اۏلورسا، سانکی اۏ میللته قارشی‌دیر. اونوتمایاق میللی دۏشۏنجه سی اۏلمایان شخص یا میللتین سیاسی-اجتماعی دۏشۏنجه سی اۏلا بیلمز. پس بیر میللتی خۏرافاتدان؛ سفالتدن؛ جهالتدن؛… قورتارماقدان اؤترۆ اۏنون میللی شعورونو اۏیاتمالییق. هر تۆرکده میللی تعصب وار؛ آنجاق بیریلرینین ظاهر شعوروندا و چۏخلارینین یاتمیش شعورلاریندا دیر. پس میللی فعالا دۆشن اۏنون اینانجینا تۏخونماق دئیل یاتمیش میللی شعورون اۏیاتماقدیر. البت کی میللی شعورو اۏیانان اؤز-اؤزۆنه خۏرافاتدان؛ جهالتدن.. اوزاقلاشار. بیر حالدا کی عکس یۏل گئدیلیرسه عکس نتیجه آلینیر. بیزه کۏمۏنیستلرین حرکاتی و سۏنو یاخشی بیر تجربه دیر. بیر حالدا کی اۏنلار بیزدن چۏخ گۆجۆ و آرخالی‌دیلار. بیر حرکتده عجله؛ ایسترئس‌له چالیشماق یانلیشلیقا چکر. گرکدیر احتیاتلا و دۆشوۆنجه ایله چالیشاق ائله اۏنا گؤره فیکیراۏ داسی و سیاسی هئیئت اۏلمالیدیر.
دۆشۆندۆگۆمه گؤره سیاسی باخیمدان آذربایجان قحط الرجال‌لیقدا قالیبدیر. میثال اۆچۆن: کوتله جاماعاتلا برابر چوخ میللتچیلرده بیزه حاکیم اۏلان سیستمی مسلمان بیلیر! بو یانلیش؛ هر بیر حؤکومتین قورولوشونون اؤزل بیر فلسفه سی وار. فارس حؤکومتی قورولوشو عینی صهیون و داشناکتسیون قورولوشو کیمیدیر. یعنی هراۆچۆ آنتی اسلام مثلثی اۏلاراق اسلام- مسیحیت تۏققوشماسیندا اسلاما قارشی دوران و خیریستییان جبهه سینه قوللوقچواۏلان بیر مثلث دیلر. بو گۆن هر کس آنتی اسلام جبهه‌سینده اۏلورسا فارس حؤکومتینین بیر عسگری کیمی رۏل اۏیناییر. ایستر مخالیف اۏلسون یۏخسا موافق. منجه کلی حالدا باخساق دۏنیادا قارشی-قارشییا دوران بیر جبهه واردیر: اسلام-مسیحیت. حال امپئریالار مستعمره اۏسته بیر بیرلریله دارتیشیرلار، اۏ ایکینجی پیلله‌ده دیر. پان‌فارس حزبی(سۏنرا پان ایرانیست اۏلدو) انگلیس جاسوسو ادوارد برآون توسطی‌له ناصرالدین شاه دؤورۆ قورولوب. صهیون حزبی پان فارس‌دان قاباق فرانسه ده دوکتور تئوفیلیپ واسطه سیله قورولوب. داشناکتسیون حزبی ایسه بیرینجی دۆنیا ساواشیندان اۏنجه آنادۏلودا فراماسۏنلارین واسطه سیله قورولوبدور. بو حیزب‌لر مسلمان اؤلکه لرده ساراطان غدده سی کیمی چیخاراق بیرینجی دۆنیا ساواشیندان سۏنرا روس-انگلیس واسطه سیله آنتی اسلام مثلثینی دۏغرولدوب؛ آنتی تۆرک و آنتی عرب جبهه لرینده چالیشیرلار. باخمایاق زامانین بیر نقطه سینده فارس صهیون؛ ائمپریالارا ژاندارم اۏلماق اۏستۆنده بیر-بیریله دارتیشیرلار! پرده آرخاسینا باخارساق، عربلری اسرائیله یاخینلادان باریشدیران… تابع ائله ین فارس دؤولتی دیر! پس دۆشمانلیق آرخاسیندا دۏستلوق وار! بیرده اسرائیلین آذربایجانا یاخینلاشماسینین آرخاسیندا باشقا تهلوکه لی سیاستلراۏلا بیلر. یقین کی تۆرک دۆنیاسینا قارشی ائمپریالارین تدبیریدیر. آخی فراماسۏنرلر بیر گۆجۆ داغیتماغا ایلک باشدا اۏنونلا یاناشیر، سۏنرا مؤهره لری یئربه‌یئر ائدیر و داغیتماغا زمین یارادیر. پس بیزه یئتن بیرینجی و اؤنملی وظیفه میللت آراسیندا میللی شعورو اۏیاتماقدیر. میللی شعور گۆجلنیرسه، میللت حرکته کئچیر و بیز سئوینجله اۏنا شاهید اۏلوروق. سانکی بیزیم آتمیشلارداکی دوروموموزلا ایندیکی دوروم؛ اۏ زامان دیل آدی گلنده آدامی مسخره ائدیردیلر! بو زامان چۏخ یئرلرده تۆرک-فارس بحثی گئدیر؛ منجه بو اؤزۆ بؤیۆک بیر اوغورئور. پس هئچ زامان اومودسوزلوغا اۏغرامایاق؛ تلسمه‌یک؛ اومودلا جسارتله ایره‌لی گئدک. تام اۆرکدن ایناناق کی، گله‌جک بیزیمدیر. یاشاسین آذربایجان، یاشاسین عدالت، آزادلیق، میللی حؤکومت.
عقیل آذردخت
