وده یئلی (وعده یئلی)
بایراما اۏن اﯙچ قالان اسن یئله، وده یئلی دئسه لر ده، آنجاق بایراما بیر آی قالان، هاوا یاخشی اۏلاندا ائولری تؤکردیلر. اوشاقلارا تزه پالتار آلاراق گیزلتدیکدن سۏنرا بایرامدا گئیهردیلر. اۏیونلار باشلاناردی. چیلینگ آغاجی، یورمورتا چاققیشماق، تۏپ عربی و…
یئنی گلن ایله یئنگی ایل دئیردیک. اۏد چرشنبه سینده، اۏدون اﯙستوندن آتیلاراق دئیردیک: آزارلیغیم-بئزارلیغیم-دیش آغریم- باش آغریم بورادا قالسین.
باشقا ائوه گئدیب قولاق آساردیق. اینانج قایداسیندا دئیردیلر یاخشی سؤز دانیشین قولاق آسان وار. قورشاق ساللاناردی. قورشاغی یا باجادان و یا خود قاپیدان آتاردیلار. قورشاق ساللایانی تانیماسایدیق دا، آنجاق آنامیز دئیردی:« بو فیلانکسین کلایغیسیدیر، دﯙنن بونو بولاغدا اؤرتموشدور». بو آیدا قارداشلار باجیلارینا پای آلاردیلار. آداخلی قالان قیزلارا، اۏغلان آداملاری مجمعه نین اﯙستونده پای آپاراردیلار و پاییندا اﯙستون قیرمیزی پارچا ایلا اؤرتردیلر.
یئره جان گلردیر؛ یئر جروولاردیر. آغاجلار میچیرلاردیلار. نۏروز گﯙلﯙلر آدامین اﯙزﯙنه گﯙلردیلر. دانا داششاغیلار آغ چیچکلرین داغلارین سینه- سینه سرردیلر.
ایل دگیشمهدن اؤنجه کندیمیزین چیمنینده آخان چایا گئده رک سویون دیبینده دوراردیق و یئنگی ایل قاناد آچیب گلنده آنالار تئز یئنگی ایلین سویوندان گؤتوره رک ائوه گلردیک و اینانج بو اۏلاردیر: بو سویو نئهره یه آتاندا کره نی چۏخالدار دئمک. گؤر –گؤرﯙشﯙک باشلاناردیر. بایرام گئجه سی سوتلو آش و پولۏو پیشردیر. پولۏون ایچینده ایسه آنام بیزه یومورتا بۏیاردی. یومورتانی یا رنگله بۏیاردیلار و یا خود سۏغان قابیغیلا.
اۏندان سۏنرا قبر اﯙستﯙنه گئده رک اؤلﯙلره فاتیحه وئرردیلر.
رحیم غلام
اهداف گروه خبری آذتورک خبرلری:
سایت آذتورک خبرلری بطور روزانه و فعال اخبار و مطالب مربوط به حقوقبشر، آذربایجان، جهان تورک، مقالات و غیره…
با اینکه تورکها خدمات بی پایانی به ایران کردهاند. اما رژیمهای مذکور ملت تورک را به دلیل خواستههای مشروعشان بارها سرکوب کردهاند و این سرکوب ها همچنان ادامه دارد.
سایت آذتورک خبرلری صدای فعالین مدنی و حقوق بشری و مدافعان آزادی و دموکراسی ملت تورک و پاسخی به تبعیضها و سرکوبها علیه آذربایجان است.
سرزمین آذربایجان متعلق به ملت آذربایجان است و سرنوشت آذربایجان را ملت آذربایجان تعیین خواهد کرد. حق تعیین سرنوشت از ارکان اساسی ملتهاست و آذربایجان هم از این قاعده مستثنی نیست.
از شما خواهشمندیم، سایت ما را به دوستان و آشنایان خود معرفی کنید و با ارسال فیلم و خبر ما را یاری نمایید.