قال ألشیخ ألفردوسی توسی فی کتاب‌المبین ألشاهنامـة
:«گؤزل‌آغا چۏخ گؤزل ایدی، ووردو چیچک‌ده چیخارتدی»!
اؤتن هفته ایرانین (وزارت فرهنگ و ارشاد اسلامی) وزیری 1402/02/16 تاریخینده 117815 نۆمره‌لی گؤسته‌ریش‌له، (شورای سیاست‌گذاری ائمه‌ی جمعه) باشقانی حجت‌الاسلام حاج‌علی اکبری‌دن بۆتۆن امام جمعه‌لره:«ابوالقاسم فردوسی‌نین آنیم گۆنۆنه گؤره، جمعه نامازی خطبه‌لرینده فردوسی حاققیندا چیخیشلارینی ایسته‌‌نیلن بیر گؤسته‌ریش داها دۏغروسو (تاپشیریق=امر نامه)نین سانال اۏرتامدا یایلماسینی گؤردوک.
گلین بیرلیکده اۏ تاپشیریغی اۏلدوغو کیمی اۏخویاق، سۏنرا اینجه له‌یک:
«سلام علیکم
احتراماً، نظر به تشکیل ستاد ملی بزرگداشت حکیم ابوالقاسم فردوسی در انجمن آثار و مفاخر فرهنگی و اهتمام جدی وزارت فرهنگ و ارشاد اسلامی و دستگاههای مربوط برای گرامیداشت مقام این حکیم فرزانه و با اغتنام فرصت جهت تبیین اصولی موضوع توجه به اصالت و هویت برجسته زبان و ادب ایران اسلامی پیشنهاد میشود و خواهشمند است به بهانه روز بزرگداشت این شاعر پرافتخار ائمه محترم جمعه سراسر کشور به صلاحدید خود در خلال خطبه های نماز جمعه نزدیک به این روز (۲۵) اردیبهشت در باب جایگاه و اهمیت شعر و اندیشه این حکیم برجسته ایرانی شیعی اشاره نافذی داشته باشند. یادآور میشود با توجه به مقارنت ۲۵ اردیبهشت ماه سالروز شهادت حضرت امام جعفر صادق (ع) آیین بزرگداشت حکیم فردوسی امسال در روز ۲۴ اردیبهشت ماه در مشهد مقدس شهر طوس و سایر نقاط کشور برگزار خواهد شد».
امضاء و مهر: محمد مهدی اسماعیلی
بیر آن دۏشۏنۏن، اردبیلین ایالت مۏللاسی (سید حسن عاملی)، اؤزۆنۆن یئددی آرخادان دؤنه‌نی لبنانین جبل‌عامل داغلاریندا یاشامیش عرب‌لردن اۏلارکن؛ وئریلن گؤستریشه اساساً، بو هفته خطبه‌لرینده، قال ألفردوسی دئییه‌رک:
« ز شیر شتر خوردن و سوسمار
که تاج کیانی کند آرزو
تُفو برتو ای چرخ گردون، تُفو»…
سؤزده توس حکیمی‌نین بو شعرینی اۏخویاجاق!…
سیزجه، گؤره‌سن اۏ؛ سؤزلرینین آردیندا، تام ایکی‌اۆزلۆک‌له(مدائن سارایی)-نین باشدا حضرت علی اۏلماقلا، وحشی عربلرین واسطه‌سی ایله داغیلدیغیندان، اۆسته‌لیک مدائن سارایی‌نین قیزیل ساپ‌دان تۏخونموش خالچاسینی غلامحسین زرین کوب یازدیغی ( دو قرن سکوت) کیتابی أساسیندا، حضرت علی ایکی‌باشلی ذوالفقاری لا آدام باشینا ألچه-ألچه دۏغراییب اسلام شریعتینه اویغون قارداش‌واری بؤلۆشدۆرمه‌سینی نئجه آچیقلایاجاق؟!
باخمایاراق «مدائن» سؤزۆ عربجه «شهر‌لر» دئمکدیر. نئجه اۏلوب پارس‌لارین حؤکومت سارایی عرب آدینی داشییرمیش، اۆستۆن وورمایین!..
بیر داها بیر آن‌لیق دۆشۆنۆن؛ آل عمران سوره‌سی‌نین 103 –جۆ آیه‌سی‌نه( واعتصموا بحبل الله جميعا ولا تفرقوا( تام اینانان مؤمینه خانیم‌لار، جۆمعه نامازی‌نین آرخا سیرالاریندا اۏلارکن، آ شیخ حسن عاملی ایله باشقا همکارلاری (تبریز، اورمو،زنقان، همدان، قزوین … ایمام جۆمعه‌لری) گشت ارشادین خانیملاری کۆچه-بازاردان قۏوالاماقلارینا حاق قازاندیرماق اۆچۆن، بیردن بیره حضرت امام فردوسی دن شعر دیلی ایله دئییلمیش حدیث:
«زن و اژدها هر دو در خاک بِه
جهان پاک از این هردو ناپاک، بِه
…..
زنان را ستایی سگان را ستای
که یک زن، بِه از صد زنِ پارسای …
والضاااالین سایاق اوزاداجاقلار!
یقین بیلیرسینیز مۏللا لارین اؤز اینانجینا گؤره دۆنیانین أن عیففتلی یعنی پارساترین خانیمی (فاطمه‌ی زهرا)دی.
چۏخ باغیشلایین، البته شیخ‌أل‌حاج ابوالقاسم ألفردوسی، بورادا آغینیا-بۏزونا باخمادان، یعنی استثناء‌سیز بۆتۆن خانیملاری، (یئنه ده باغیشلایین بابالی فردوسی نین بۏینونا) ایت‌دن أسگیک سانیر!!! دئمه‌لی اۏ خانیمی دا؟ ( نعوذ‌بالله… دَفَع الله هذی‌ألخُزعبلاته).
نه ایسه، سایین اۏخوجولار، اینانین اؤزۆم ایسته‌مه‌دن، بو مسئله‌نی قورتدالادیقجا قردو چیخیر.
تصور ائدین جمعیتین آرتماسی لا ایلگیلی، هانسی سا بیر ایمام جۆمعه، توس حکیمیندن روایت ائده جک:
« زنان را همین باشدش بس هنر
نشینند و زایند شیران نر».
یعنی علمی، اینکیشافی، شعورو، هابئله … قاتلاییب قۏیون«آلی بَیین صاندیغینا»، باشلایین جوجه ماشینی سایاق نسیل آرتیرماغا! اؤزۆده، یالنیز اۏغلان اوشاغی.
من دۆشۆنۆرم، یقین بو فارسلارین قاتی شعوبی شیعه‌چیلیک مدنیتلرینده، بو قدر اۏغلان اوشاقلارینی اۆستۆن توتماق، اسلام پیغمبری نین اۏغولسوز اۆلدوغو بۏشلوغونو، اۏنون اۆممتی (امت اسلامی) دۏلدورمالی دیر؛ یۏخسا شیخنا ألفردوسی نه دن بو حدیثی شعرینی اویدورمالی ایدی؟
یا دا؛ اورمو ایمام جۆمعه‌سی زامان لا مکان دان آسیلی اۏلاراق، حضرت فردوسی دن:
«خورشگر بدیشان بزی چند و میش/ سپردی و صحرا نهادند پیش
کنون کُرد از آن تخمه دارد نژاد / که ز آباد ناید به دل برش یاد»
نقل-قۏل ائده‌رک، کۆردلری داغ-داشلاردا پارتیزانی حرکتلرینه گؤره بؤلۆجۆ(تجزیه‌طلب)، نه بیلیم داغ کئچی‌سی… آدلاندیران بعضی‌لرینه بو ایپ اوجونو وئریب، اۏنلارین قانینی حالال اعلام ائتمه‌‌لی‌دیر.
هن؛ عزیز اۏخوجولار، خیال آتینین یۆگه‌نینی جیلۏولاماسام، اؤزۆم ایسته‌مه دن ایش داها درین یئرلره چکهجک، من ایسه شئوونیستی دۏشۆنجه‌لرله اتهام اۏلماق ایسته‌میرم.
ساغلیق‌لا قالین.
