یارالاریمیز ساغالماییب
هر ایل اردیبهشت آیین سون گونلری گلیب چاتدیغیندا، ایچیمیزده گزن قانلار جوشا گلیب و بیز ایستمه‌دن بؤیوک یارامیزی یادا سالیر.
۱۷ایل بوندان اؤنجه ایران آدلی قزئته تورک میللتینی آششاغلاماق اوچون، بیز تورک‌لری سوسری‌یه اوخشاداراق، بیزی نئجه یوخ ائتمه‌نین یوللارینی یازیب و دیله گتیرمیشدی.
پهلوی دؤنه‌میندن باشلانان آسمیلاسیون سیاستی، جمهوری اسلامی دؤنه‌مینده‌ده هئچ دورمادان ایشلرینه داوام ائده‌رک، غیر فارس میللت‌لری یوخ ائتمه‌یه چالیشیرلار. او اوزدن یازلان یوللارین چوخونو گؤرمک اولور. دیلیمیزی یاساقلاماق، اؤز توپراقلاریمیزدان سورگون ائتمک، باشقا میللت‌لری بو توپراقلاردا یئرلشدیرمک، یاشام چئوره‌میزی داغیدیب محو ائتمک (اورمو گؤلو)، اؤز ایچیمزدن اؤزوموزو داغیتماق و… آپاریلان آلچاق استراتژی‌لردیلر.
اگر ۱۷ایلدن سونرا یئنه یارالاریمیز ساغالماییب، دئمک فارس فاشیست دوشونجه‌سی هئچ بیر آتدیم دالی قویمایاراق گونو گوندن ایره‌لی سوردورور. بو آرادا اوپوزسیون‌دا اولان عئینی دوشونجه اوزوندن خاریجده اولان مئدیالار بئله غیرفارس میللت‌لرین سسینی بایکوت ائدیرلر.
یارالاریمیزین ساغالماسی اوچون بیزلر نه ائتمه‌لی‌ییک؟
بیر: دوشمنی بیزی ووردوغو یئردن وورمالی‌ییق. اگر بیزیم آنا دیلیمیزی یاساقلاییرلار پس اؤز دیلیمیزده یازیب، اوخویوب، دانیشاق.
ایکی: ائکونومی باخیمیندان اؤز تورپاقلاریمیزدا چالیشیب و سرمایا یاتیرداق. فارس شهرلریندن کؤچوب اؤز توپراقلاریمیزا صاحیب دوراق.
اوچ: باشاردیغیمیز قدر میللتیمیزی آییق سالاق و اؤز وارلیقلارین، گئچمیشلرین، کولتور، موسیقی و رقص‌لرینی اؤیرنیب و قوروسونلار.
دؤرد: سؤزلریمیزی و ایستک‌لریمیزی کاغیذ اوستونه گتیریب، سؤزدن ایشه کئچک.
بئش: مطالبه محور دانیشیقلاردان، ایستک و دیرنمه‌یه دوغرو حرکت ائدک. وئریلن شوعارلارا ایناناق و او یولدا آتدیم آتاق.
آلتی: چئشیتلیلیگه اینانیب و چئشیتلی دوشونجه‌لره سایقییلا یاناشیب، آماج بیر اولونجا یوللاریمیز آیری اولماسیندان چکینمه‌ییب، اؤز ایچیمیزده سورون یارادیب دوشمن سئویندیرمه‌یه‌ک.
بیز «آزادلیق، عدالت، میللی حکومت» شوعارینی حقیقته چئویریرسک، توپلومون بوتون ایستک‌لری گرچه‌یه دؤنوب سورونلاریمیزی اؤزوموز چؤزه بیله‌ریک و آیری سئچکیلیک آرادان قالدیرا بیله‌ریک.
عشق اولسون وطن اوغروندا چالیشان بوتون ایگیدلریمیزه.
یعقوب رمضانی
اهداف گروه خبری آذتورک خبرلری:
سایت آذتورک خبرلری بطور روزانه و فعال اخبار و مطالب مربوط به حقوق‌بشر، آذربایجان، جهان تورک، مقالات و غیره…
با اینکه تورک‌ها خدمات بی پایانی به ایران کرده‌اند. اما رژیم‌های مذکور ملت تورک را به دلیل خواسته‌های مشروعشان بارها سرکوب کرده‌اند و این سرکوب ها همچنان ادامه دارد.
سایت آذتورک خبرلری صدای فعالین مدنی و حقوق بشری و مدافعان آزادی و دموکراسی ملت تورک و پاسخی به تبعیض‌ها و سرکوب‌ها علیه آذربایجان است.
سرزمین آذربایجان متعلق به ملت آذربایجان است و سرنوشت آذربایجان را ملت آذربایجان تعیین خواهد کرد. حق تعیین سرنوشت از ارکان اساسی ملت‌هاست و آذربایجان هم از این قاعده مستثنی نیست.
از شما خواهشمندیم، سایت ما را به دوستان و آشنایان خود معرفی کنید و با ارسال فیلم و خبر ما را یاری نمایید.
