آزربایجان ادبیاتی‌نین سوسنی سولدو
رحمتلیک «سوسن نواده رضی» نین حایاتی، کیملیگی و یارادیجیلیغی
▪ رحمتلیک نواده‌رضی‌نین نَسَبی هم آنا و هم آتا طرفدن نخجوانی عائیله‌سینه یئتیشیردی. آلتمیش ایل اؤنجه تبریزین شهریار محله‌سینده دونیایا گؤز آچمیش، ایلک اوخولو تبریزین «بوعلی» اوخولوندا فرانسا دیلینده تحصیل آلمیشدی.
▪ اؤزونون دئدییینه گؤره او زامان فرانسا دیلی‌نین اؤیرتمنلری گونده‌لیک یازیلارین فرانسا دیلینده اولماسینی تکلیف ائتدیکلریندن دولایی، یازی عالمینه ماراقلانیر. فرانسا ادبیاتیندان چوخلو الهام آلمیش، یوخاری بیر تخیل گوجونه صاحیب ایدی. کریل الفباسیندان عرب الفباسینا چوخلو کیتابلار کؤچوروب، «مهد آزادی» قزئته‌سی و اونون باش یازاری اولان اوستاد یحیی شیدا ایله یئددی ایل مددتینده ایشله‌میشدیر.
▪ آتاسی داوا ساتاردی و اوشاقلیقدا آتاسی‌‌نین توکانیندا ایشله‌یردی. تبریزین ایلک «شبانه روزی» داواخاناسینی ایسه تبریزین سرلک خیابانیندا رحمتلیک نواده‌رضی‌نین آتاسی یولا سالمیشدی. «قرآن» اوخوماغی چوخ سئوردی و اؤز دئدییینه گؤره قرآن کیتابینی تورکجه‌یه ده چئویرمه‌یی دوشونوردو.
▪ بو گؤزل شاعیره، قادینلاری تاریخ بویوندا چوخ تاثیرلی بیلیردی. دموکراسی و اینسان کرامتینه چوخ ایناناردی. ایلک شعر مجموعه‌سی «شلاله‌لر شیله‌سی» آدیندا تهراندا یاییملاندی. اوتوز ایل بویو ایلک فولکویازی‌نی یازمیش «ننه‌م نن من» کیتابیندا گئرچک بیر فولکولور واقعه‌سینی اؤیکو ایچره شرح وئرمیشدیر. نئچه ایل «سانجاق درگیسی»نین باش یازاری اولموشدور. شعر و یازی یانی‌سیرا چئویرمه ایله ده ماراقلانان رحمتلیک نواده‌رضی، رضا براهنی‌نین شاه‌اثری اولان «رازهای سرزمین من» کیتابینی دا یارییا قدر چئویرمیشدی.
▪ بو گؤزل اینسان یاخجی اوشاقلار دا بئجردیب بویا باشا چاتدیرمیش. اوغلو اون ایکی یاشیندا انگلیسجه‌دن آذربایجان تورکجه‌سینه «فیل آدام» آدلی کیتابینی چئویرمیشدی، اون‌ایکی یاشلی اولدوغونا گؤره مجوز آلا بیلمه‌میشدی و اون‌بئش یاشینا کیمی گؤزله‌مه‌لی اولموشدو. سایین نواده‌رضی‌نین بوتون سئوگیسی تبریز ایدی و تاریخ ساحه‌سینده ده چوخلو موطالیعه‌لری وار ایدی.
▪ بو دَگرلی شاعیر و یازارین اؤلومو هامیمیزی شاشیرتدی. سون زامانلار سرطان خسته‌لییینه یولوخموش بو گؤزل اینسانین واختسیز کؤچمه‌سی آزربایجان ادبیات ساحه‌سینده چالیشانلار و اونو تانییانلاری آجی بیر ماتمه قاپسادی. مکانی جننت اولسون.
ایلقار موذن‌زاده
اهداف گروه خبری آذتورک خبرلری:
سایت آذتورک خبرلری بطور روزانه و فعال اخبار و مطالب مربوط به حقوق‌بشر، آذربایجان، جهان تورک، مقالات و غیره…
با اینکه تورک‌ها خدمات بی پایانی به ایران کرده‌اند. اما رژیم‌های مذکور ملت تورک را به دلیل خواسته‌های مشروعشان بارها سرکوب کرده‌اند و این سرکوب ها همچنان ادامه دارد.
سایت آذتورک خبرلری صدای فعالین مدنی و حقوق بشری و مدافعان آزادی و دموکراسی ملت تورک و پاسخی به تبعیض‌ها و سرکوب‌ها علیه آذربایجان است.
سرزمین آذربایجان متعلق به ملت آذربایجان است و سرنوشت آذربایجان را ملت آذربایجان تعیین خواهد کرد. حق تعیین سرنوشت از ارکان اساسی ملت‌هاست و آذربایجان هم از این قاعده مستثنی نیست.
از شما خواهشمندیم، سایت ما را به دوستان و آشنایان خود معرفی کنید و با ارسال فیلم و خبر ما را یاری نمایید.
